Ponniyin Selvan1: 'యువరాణి కుందవై'గా మెరిసిపోతున్న త్రిష.. పొన్నియిన్ సెల్వన్-1 లేటెస్ట్ అప్డేట్స్
![Ponniyin Selvan 1: పొన్నియిన్ సెల్వన్ 1 చిత్రంలో యువరాణి కుందవైగా కనిపించనున్న త్రిష. Ponniyin Selvan 1: పొన్నియిన్ సెల్వన్ 1 చిత్రంలో యువరాణి కుందవైగా కనిపించనున్న త్రిష.](https://telugust.pinkvilla.com/telugu/images/2022/Jul/517157262_trisha1_1280*720.webp)
Ponniyin Selvan 1:తమిళ దర్శకుడు మణిరత్నం అత్యంత ప్రతీష్టాత్మకంగా తెరకెక్కిస్తున్న చిత్రం పొన్నియిన్ సెల్వన్ -1. స్టార్ హీరో హీరోయిన్లతో మణిరత్నం భారీ బడ్జెట్తో ఈ సినిమాను తెరకెక్కిస్తున్నారు. రీసెంట్గా మాజీ ప్రపంచ సుందరి ఐశ్వర్యరాయ్ బచ్చన్ ఫస్ట్ లుక్ పోస్టర్ను మేకర్స్ రిలీజ్ చేశారు. ప్రస్తుతం అందాల తార త్రిష ఫస్ట్ లుక్ను పొన్నియిన్ సెల్వన్ -1 చిత్ర యూనిట్ విడుదల చేసింది.
యువరాణి ప్రాతలో త్రిష
Ponniyin Selvan 1: పొన్నియిన్ సెల్వన్ -1 చిత్రంలో యువరాణి కుందవైగా త్రిష వెండితెరపై కనిపించనున్నారు. త్రిష ఎరుపు రంగు చీరలో దర్జాగా కనిపిస్తున్నారు. యువరాణిలా ఒంటినిండా నగలు ధరించారు. త్రిష రవివర్మ గీసిన చిత్రంలా ఎంతో ఆకర్షణీయంగా కనిపిస్తున్నారు. ఈ సినిమాలో త్రిష కీలక పాత్రలో నటిస్తున్నారు. విక్రమ్, కార్తీ, ఐశ్వర్యారాయ్ బచ్చన్ (AishwaryaRaiBachchan)లతో పాటు త్రిష ఫస్ట్ లుక్ను మేకర్స్ రిలీజ్ చేశారు.
దర్శక నిర్మాతగా మణిరత్నం
Ponniyin Selvan 1: పొన్నియిన్ సెల్వన్ -1లో చోళ రాజుగా హీరో విక్రమ్ నటిస్తున్నారు. 'పొన్నియిన్ సెల్వన్ ' చిత్రం ప్రపంచ వ్యాప్తంగా సెప్టెంబర్ 30న విడుదల కానుంది. విడుదలకు రెండు నెలల ముందు నుంచే మేకర్స్ ప్రమోషన్ల జోరు పెంచారు. ఈ సినిమా టీజర్ జూలై 7న తంజావూరులోని బృహదేశ్వరా టెంపుల్లో విడుదల చేయనున్నారు.
ఈ చిత్రాన్ని లైకా ప్రొడక్షన్స్ సంస్థ, మద్రాస్ టాకీస్ బ్యానర్పై మణిరత్నం స్వీయ నిర్మాణంలో తెరకెక్కిస్తున్నారు. తమిళంతో పాటు తెలుగు, కన్నడ, మలయాళం, హిందీ భాషల్లో ఈ చిత్రం విడుదల కానుంది.
![](https://www.pinkvilla.com/imageresize/user-no-image.jpg?format=webp&width=32)