మహేష్‌బాబు (MaheshBabu) అభిమానులకు గుడ్‌న్యూస్.. త్రివిక్రమ్ సినిమా సెకండ్ షెడ్యూల్ ఎప్పటినుంచో తెలుసా?
సూపర్‌‌స్టార్ మహేష్ బాబు (MaheshBabu) – త్రివిక్రమ్ శ్రీనివాస్ కాంబినేషన్‌లో సినిమా తెరకెక్కుతున్న విషయం తెలిసిందే. ఎస్‌ఎస్‌ఎంబీ28 వర్కింగ్‌ టైటిల్‌తో రూపొందుతున్న ఈ సినిమాకు ‘అయోధ్యలో అర్జునుడు’ టైటిల్‌ను చిత్ర యూనిట్ ఖరారు చేయనున్నట్టు తెలుస్తోంది. ఇప్పటికే మొదటి షెడ్యూల్ షూటింగ్ పూర్తయ్యింది. ఔట్ అండ్ ఔట్ కమర్షియల్‌ హంగులతో సినిమాను తెరకెక్కిస్తున్నారు త్రివిక్రమ్. మహేష్ – త్రివిక్రమ్ కాంబినేషన్‌లో వస్తున్న మూడో సినిమా కావడంతో అయోధ్యలో అర్జునుడు సినిమాపై భారీ అంచనాలు ఏర్పడ్డాయి.
మహేష్‌బాబు అభిమానులు ఈ సినిమా ఎప్పుడెప్పుడు విడుదలవుతుందా అని ఆసక్తిగా ఎదురుచూస్తున్నారు. ఈ సినిమాపై ఇండస్ట్రీలో కూడా అంచనాలు క్రియేట్ అయ్యాయి. అయోధ్యలో అర్జునుడు సినిమాలో మహేష్‌బాబు సరికొత్త లుక్‌లో కనిపించనున్నట్టు తెలుస్తోంది. ఈ సినిమా మొదటి షెడ్యూల్ షూటింగ్ చాలా తక్కువ సమయంలో పూర్తి చేసింది చిత్ర యూనిట్. అనంతరం మహేష్‌బాబు తల్లి మరణించడంతో సెకండ్ షెడ్యూల్ పోస్ట్‌పోన్ అవుతూ వచ్చింది.
నెట్‌లో వార్త హల్చల్..
సెకండ్ షెడ్యూల్ షూటింగ్ మొదలుకాకపోవడంతో మహేష్‌బాబు – త్రివిక్రమ్ మధ్య విభేదాలు తలెత్తాయని, దాంతో సినిమా ఆగిపోయిందనే రూమర్స్ వచ్చాయి. ఈ రూమర్స్‌కు చెక్‌ పెడుతూ ఒక వార్త ప్రస్తుతం నెట్‌లో హల్చల్ చేస్తోంది. అయోధ్యలో అర్జునుడు సినిమా షూటింగ్ సెకండ్ షెడ్యూల్ నవంబర్ నెలాఖరు నుంచి జరగనున్నట్టు తెలుస్తోంది.
మహేష్ – త్రివిక్రమ్ కాంబినేషన్‌లో ఇప్పటికే అతడు, ఖలేజా సినిమాలు వచ్చాయి. ఈ రెండు సినిమాలు ఇద్దరికీ మంచి పేరు తెచ్చాయి. ఇక అయోధ్యలో అర్జునుడు సినిమాలో మహేష్‌బాబు ( MaheshBabu) సరసన పూజా హెగ్డే హీరోయిన్‌గా నటిస్తుండగా, ఎస్‌ఎస్‌ థమన్ సంగీతం అందిస్తున్నారు. హారికా అండ్ హాసిని క్రియేషన్స్ బ్యానర్ భారీ బడ్జెట్‌తో సినిమా తెరకెక్కుతోంది. ఈసారైనా అనుకున్న సమయానికి రెండో షెడ్యూల్ షూటింగ్‌ను స్టార్ట్ చేస్తారో లేదో చూడాలి మరి.
