Special Story : అందం మాటున దాగిన అంతులేని బాధలు.. విధిని ఎదిరించిన నటీమణులు (Heroines)

సినిమా అంటేనే రంగుల ప్రపంచం. అందం, అభినయం అంతకు మించిన అదృష్టం ఉంటేనే ఇండస్ట్రీలో రాణించగలరు. పైకి కనిపించేంత బ్యూటిఫుల్ ప్రపంచం మాత్రం కాదు సినిమా అంటే. మనం కళ్లతో చూసి ఆనందించడానికి వాళ్లు ఎంతో కష్టపడుతుంటారు. ఎన్ని బాధలు ఉన్నా వాటిని మొహంపై కనిపించకుండా దాచుకుంటూనే మనల్ని అలరిస్తుంటారు నటీనటులు. చిన్న చిన్న క్యారెక్టర్లు చేసే వాళ్ల నుంచి స్టార్ హీరోహీరోయిన్లు కూడా ఇందుకు అతీతులు కాదు.

షూటింగ్ సమయంలో ఎన్నో ఇబ్బందులు ఎదుర్కొంటారు. మేకప్‌, లైటింగ్ సహా ఎన్నో హంగులు ఉంటాయి షూటింగ్‌ ప్రదేశంలో. వాటి కారణంగా ఎదురయ్యే సమస్యలు కొన్ని అయితే.. పర్సనల్‌ లైఫ్‌లో ఉన్న సమస్యలు మరికొన్ని. మానసిక, శారీరక, ఆరోగ్య సమస్యలతో సతమతమవుతూనే అభిమానులను అలరిస్తుంటారు నటీనటులు.

సినిమా అనే రంగుల ప్రపంచంలో అందంగా ఉన్నప్పుడే అవకాశాలు వస్తాయి. వయసు మీద పడినా, అనారోగ్యం కారణంగా ఆకర్షణ తగ్గినా అవకాశాలు చేజారిపోతాయి. అందం కాస్త తగ్గినా అవకాశాలు చేజారిపోయే వారిలో ముందు వరుసలో ఉంటారు హీరోయిన్లు. ప్రస్తుత పోటీ ప్రపంచంలో అవకాశాలు రావడమే అరుదు. అదృష్టం బాగుంటేనే సినిమా హిట్‌ అవుతుంది. సినిమా హిట్ అయితేనే మరిన్ని చాన్స్‌లు లభిస్తాయి. లేకపోతే వారి కెరీర్ ముగిసినట్టే. బయటకు అందంగా, ఆనందంగా కనిపించే పలువురు హీరోయిన్లు తమ జీవితాల్లో ఎన్నో ఇబ్బందులతో సతమతమవుతుంటారు. శారీరక, మానసిక సమస్యలతో బాధపడే పలువురు హీరోయిన్ల (Heroines) గురించి తెలుసుకుందాం..