'రాను రానంటూనే సిన్నదో' అంటున్న మహేష్ బాబు!.. మ‌హేష్‌కి భ‌లే సెట్ అయింద‌న్న నితిన్ (Nithiin)
టాలీవుడ్‌లో హీరో నితిన్ (Nithiin) న‌టించిన 'మాచర్ల నియోజకవర్గం' సినిమా త్వ‌ర‌లో విడుద‌ల కానుంది. రీసెంట్‌గా ఈ చిత్రం నుంచి 'రా..రా.. రెడ్డి' సాంగ్‌ను రిలీజ్ చేశారు. ఆ పాట చివ‌రిలో నితిన్ హిట్ సాంగ్స్‌లో ఒక‌టైన 'రాను రానంటూనే సిన్నదో ' పాట‌ను యాడ్ చేశారు. ఆ పాట‌కు మహేష్ స్టెప్పుల‌ను జోడించారు నితిన్ అభిమానులు. మహేష్ బాబు త‌న సాంగ్‌కు స్టెప్పులేయ‌డంపై నితిన్ ఏమ‌న్నారంటే..
మహేష్ డాన్స్ సింక్ అయింది - నితిన్
మహేష్ బాబు (Mahesh Babu) 'స‌ర్కారు వారి పాట' సినిమాలో 'మ..మ. మ‌హేశా ' సాంగ్‌కు మాస్ స్టెప్పులు వేశారు. మహేష్, కీర్తి సురేష్ ఓ రేంజ్‌లో డాన్సులు వేశారు. వీరి స్టెప్పుల‌ను 'మాచర్ల నియోజకవర్గం' లోని 'రా.రా.రెడ్డి ' సాంగ్‌కు మ్యాచ్ చేసి కొంద‌రు నితిన్ అభిమానులు ఎడిట్ చేశారు.
నితిన్ పాట‌కు మహేష్ డాన్సు భ‌లే బాగుందంటూ నెటిజ‌న్లు కామెంట్లు పెడుతున్నారు. ఆ వీడియో చూసిన నితిన్ సంతోషంలో మునిగిపోయారు. త‌న పాట‌కు మహేష్ బాబు స్టెప్పులు సూప‌ర్‌గా సింక్ అయ్యాయంటూ ట్విట్ట‌ర్‌లో పోస్ట్ పెట్టారు.
'మాచ‌ర్ల‌ని యోజ‌క‌వ‌ర్గం' లో 'రా.రా. రెడ్డి ' పాటలో నితిన్ (Nithiin), అంజ‌లి న‌టించారు. అంజ‌లి చేసిన ఈ స్పెష‌ల్ సాంగ్ ఓ రేంజ్‌లో దూసుకెళుతోంది. కాసర్ల శ్యామ్ 'రా..రా..రెడ్డి ' పాట‌కు లిరిక్స్ రాశారు. మహతి స్వరసాగర్ సంగీతం స‌మ‌కూర్చారు. రిలీజ్ చేసిన 24 గంట‌ల్లో 'రా..రా.. రెడ్డి' మిలియ‌న్ వ్యూస్‌ను రాబ‌ట్టింది. ఈ చిత్రం నుండి ఇప్పటికే విడుదలైన పోస్ట‌ర్‌లు, గ్లింప్స్ ప్రేక్ష‌కుల‌ను విప‌రీతంగా ఆక‌ట్టుకున్నాయి.
ఎడిట‌ర్ శేఖ‌ర్ ద‌ర్శ‌క‌త్వంలో 'మాచర్ల నియోజకవర్గం' ఆగ‌స్టు 12న రిలీజ్ కానుంది. గుంటూరు జిల్లా క‌లెక్ట‌ర్ పాత్ర‌లో ఈ సినిమాలో నితిన్ (Nithiin) క‌నిపించ‌నున్నారు. ఈ చిత్రంలో కృతిశెట్టి, క్యాథెరీన్ థెరిస్సా హీరోయిన్లుగా న‌టిస్తున్నారు. ఆదిత్య మూవీస్, శ్రేష్ఠ్ మూవీస్ బ్యాన‌ర్ల‌పై ఎన్‌.సుధాక‌ర్ రెడ్డి, నిఖితా రెడ్డి ఈ చిత్రాన్ని నిర్మిస్తున్నారు.
