God Father: 'గాడ్ఫాదర్' ఫ‌స్ట్ సింగిల్ రిలీజ్.. చిరు, స‌ల్మాన్‌ల డ్యాన్సుల‌తో ఫ్యాన్స్‌కు పూనకాలే !
God Father: 'ఆచార్య' ఫ్లాప్ తర్వాత టాలీవుడ్ మెగాస్టార్ మెగాస్టార్ చిరంజీవి (Chiranjeevi) తన తదుపరి సినిమాల‌పై ఫోక‌స్ మ‌రింత పెంచారు. కోలీవుడ్ డైరెక్ట‌ర్‌ మోహ‌న్ రాజా ద‌ర్శ‌క‌త్వంలో చిరంజీవి 'గాడ్ఫాదర్' సినిమాలో ప్రస్తుతం నటిస్తున్నారు. 'గాడ్ఫాదర్' సినిమా నుంచి ఫ‌స్ట్ సింగిల్ ఫుల్ సాంగ్‌ను మేక‌ర్స్ ఈ రోజే రిలీజ్ చేశారు. ఈ పాటలో చిరంజీవి, బాలీవుడ్ నటుడు సల్మాన్ ఖాన్‌తో కలిసి స్టెప్పులేశారు. మాస్ పాట‌గా 'థార్ మార్ థ‌క్క‌ర్ మార్' పాట ప్రేక్షకులను అల‌రించింది.
పాట అదుర్స్
'గాడ్ఫాదర్' సినిమాలో ఓ ప్రత్యేక పాత్ర‌లో బాలీవుడ్ స్టార్ హీరో సల్మాన్ ఖాన్ నటిస్తున్నారు. ఈ సినిమాకు సంబంధించిన ఓ పాటలో చిరంజీవి (Chiranjeevi), సల్మాన్ ఖాన్‌లు కలిసి డ్యాన్స్ చేశారు. స్టార్ కొరియోగ్రాఫ‌ర్, దర్శకుడు ప్ర‌భుదేవా కంపోజ్ చేసిన స్టెప్పులు అదిరిపోయాయి. 'థార్ మార్ థ‌క్క‌ర్ మార్' పాటలో చిరు, స‌ల్మాన్‌ల కాస్టూమ్స్ కూడా వైవిధ్యంగా ఉన్నాయి.
ఈ పాట‌ను మేక‌ర్స్ తెలుగుతో పాటు హిందీలోనూ రిలీజ్ చేశారు. 'థార్ మార్ థ‌క్క‌ర్ మార్' పాట‌ను అనంత శ్రీరామ్ రాశారు. శ్రేయ ఘోషాల్ ఆల‌పించారు. 'గాడ్ఫాదర్' సినిమాకు త‌మ‌న్ సంగీతం అందించారు
ద‌స‌రాకు రిలీజ్!
'గాడ్ఫాదర్'లో సాత్ స్టార్ హీరోయిన్ న‌య‌న‌తార కూడా నటిస్తున్నారు. అలాగే నటుడు స‌త్య‌దేవ్ కూడా కీల‌క పాత్ర‌లో క‌నిపించ‌నున్నారు. న‌య‌న‌తార, స‌త్య‌దేవ్‌ల ఫ‌స్ట్ లుక్ పోస్ట‌ర్ల‌ను మేక‌ర్స్ ఇటీవ‌లే రిలీజ్ చేశారు. చిరంజీవి భార్య కొణిదెల సురేఖ 'గాడ్ఫాదర్' సినిమాను సమర్పిస్తున్నారు. ఈ చిత్రాన్ని కొణిదెల ప్రొడ‌క్ష‌న్ కంపెనీ, సూప‌ర్ గుడ్ ఫిలిమ్స్ బ్యాన‌ర్ల‌పై ఆర్‌బీ చౌదరి, ఎన్‌వీ ప్రసాద్ సంయుక్తంగా నిర్మిస్తున్నారు. 'గాడ్ ఫాదర్' అక్టోబర్ 5 తేదీన దసరా కానుకగా విడుదల కానుంది.
