NTR30: ఎన్టీఆర్ ప‌వ‌ర్ ఫుల్ రోల్ చేస్తున్నారు - కొరటాల శివ! ఎన్టీఆర్ 30 సినిమాపై ఎక్స్‌క్లూజీవ్ అప్‌డేట్స్
NTR30: టాలీవుడ్‌లో ఆర్.ఆర్.ఆర్ సినిమా త‌ర్వాత ఎన్టీఆర్ రేంజ్ మ‌రింత పెరిగింది. ఎన్టీఆర్ 30, ఎన్టీఆర్ 31 సినిమాల ప్ర‌క‌ట‌న ప్రేక్ష‌కుల మైండ్ బ్లాక్ అయ్యేలా చేశాయి. జూనియ‌ర్ ఎన్టీఆర్ ద‌ర్శ‌కుడు కొరటాల శివ కాంబోలో ఎన్టీఆర్ 30 చిత్రం తెర‌కెక్కుతుంది. ఇక కేజీఎఫ్‌తో వండ‌ర్స్ క్రియేట్ చేసిన డైరెక్ట‌ర్ ప్ర‌శాంత్ నీల్‌తో ఎన్టీఆర్ 31ను నిర్మించ‌నున్నారు. కొరటాల శివ, ఎన్టీఆర్ కాంబో సినిమాపై లేటెస్ట్ అప్‌డేట్స్ అందాయి.. ఆ వివరాలు ఏంటంటే..
ఎన్టీఆర్ 30 (NTR30) షూటింగ్ లేట‌వుతుందా?
చిరంజీవితో ఆచార్య తెర‌కెక్కించిన ద‌ర్శ‌కుడు కొరటాల శివ భారీ ఫ్లాప్‌ను అందుకున్నారు. ఆ డిజాస్ట‌ర్ నుంచి కొరటాల శివ ఎన్టీఆర్ 30 ప్ర‌క‌ట‌న‌తో బ‌య‌ట ప‌డ్డారు. ఎన్టీఆర్ 30 పోస్ట‌ర్ కొరటాల ఇమేజ్‌ను ఒక్క‌సారిగా పెంచేసింది. అయితే ఎన్టీఆర్ 30 సినిమా షూటింగ్ లేట్ అవుదంటూ ఓ న్యూస్ చ‌క్ల‌ర్లు కొడుతుంది. కొరటాల శివ ఈ సినిమా కోసం ఓ భారీ సెట్ నిర్మిస్తున్నార‌ని.. .అందుకే షూటింగ్ ఆల‌స్యం అవుతుందంటూ ప్ర‌చారం జోరుగా సాగుతోంది. ఎన్టీఆర్ 30 చిత్ర యూనిట్ ఈ వార్తలను ఖండించింది.
ప‌వ‌ర్ ఫుల్ పాత్ర‌లో ఎన్టీఆర్(NTR)
ద‌ర్శ‌కుడు కొరటాల శివ ఎన్టీఆర్‌ను స‌రికొత్త‌గా ఎన్టీఆర్ 30లో చూపించ‌నున్నారు. ఎన్టీఆర్ ఓ ప‌వ‌ర్ ఫుల్ క‌థలో న‌టిస్తున్నార‌ని చెప్పారు. హీరోది చాలా బ‌ల‌మైన పాత్ర అన్నారు కొరటాల. ఇంత‌కు ముందు ఎప్పుడూ చూడ‌ని పాత్ర‌లో ఎన్టీఆర్‌ను వెండితెర‌పై చూపిస్తాన‌ని చెప్పారు.
కొరటాల, ఎన్టీఆర్ కాంబినేషనులో గతంలో విడుదలైన 'జనతా గ్యారేజ్' ఎంత పెద్ద సూపర్ హిట్టో మనకు తెలియంది కాదు. ఈ క్రమంలో ఈ కొత్త సినిమా పై కూడా అభిమానుల అంచనాలు భారీగా పెరిగాయి.
కల్యాణ్ రామ్, మిక్కిలినేని సుధాకర్ నిర్మించే ఈ సినిమాకి, అనిరుధ్ పాటలకు బాణీలను సమకూర్చనున్నారు. అలాగే ఈ సినిమాలో కథానాయికగా శ్రీదేవి, బోనికపూర్‌‌‌ల కుమార్తె జాన్వీ కపూర్‌ను తీసుకోవాలని కొరటాల భావిస్తున్నారట. అలాగే తమ సినిమాతోనే ఆమెను తెలుగు చిత్ర పరిశ్రమకు పరిచయం చేయాలని ఆయన యోచిస్తున్నారట.
