'రంగ రంగ వైభవంగా' వ‌స్తున్న వైష్ణవ్ తేజ్(Vaisshnav Tej)!.. మామ‌య్య ప‌వ‌న్ బ‌ర్త్ డేకు అల్లుడి స‌ర్‌ప్రైజ్
టాలీవుడ్‌లో మొదటి సినిమాతోనే స‌క్సెస్ అందుకున్నారు మెగా హీరో వైష్ణవ్ తేజ్ (Vaishnav Tej). 'ఉప్పెన' సినిమా తర్వాత వ‌చ్చిన 'కొండ‌పొలం'లో వైష్ణవ్ తేజ్ న‌టించి మెప్పించారు. ప్రస్తుతం ఈ యంగ్ హీరో 'రంగ రంగ వైభవంగా' అనే చిత్రంతో ప్రేక్ష‌కుల ముందుకు రానున్నారు. ఈ సినిమా నుంచి లేటెస్ట్ అప్‌డేట్‌ను మేక‌ర్స్ రిలీజ్ చేశారు.
వైష్ణవ్ తేజ్ సినిమా రిలీజ్ ఎప్పుడంటే
వైష్ణవ్ తేజ్ (Vaisshnav Tej) న‌టించిన 'రంగ రంగ వైభవంగా' సినిమాను సెప్టెంబ‌ర్ 2 న రిలీజ్ చేయ‌నున్న‌ట్లు మేక‌ర్స్ ప్ర‌క‌టించారు. ఈ విష‌యాన్ని సోష‌ల్ మీడియా ద్వారా వెల్ల‌డించారు. వైష్ణవ్ తేజ్ సరసన కేతిక శర్మ హీరోయిన్‌గా న‌టిస్తున్నారు. ఈ చిత్రానికి గిరీశాయ ద‌ర్శ‌క‌త్వం వ‌హిస్తున్నారు.
త‌న మామ‌య్య ప‌వ‌న్ క‌ల్యాణ్ (Pawan Kalyan) పుట్టిన రోజు సంద‌ర్భంగా వైష్ణవ్ తేజ్ కొత్త సినిమాను సెప్టెంబ‌ర్ 2 న రిలీజ్ చేయ‌నున్నారు. ఈ సినిమాను బి. బాపినీడు సమర్పిస్తున్నారు. శ్రీ వెంకటేశ్వర పతాకంపై నిర్మాత బీవీఎస్‌ఎన్ ప్రసాద్ రంగ రంగ వైభవంగా చిత్రాన్ని నిర్మించారు.
ల‌వ్ స్టోరిలో వైష్ణవ్ తేజ్(Vaisshnav Tej)
యూత్ ఫుల్ ఎంటర్టైనర్‌గా 'రంగ రంగ వైభవంగా' చిత్రం రిలీజ్ కానుంది. ఈ సినిమాను జూలై 1న విడుదల చేయాల‌నుకున్నారు. కానీ కొన్ని కార‌ణాల‌తో సినిమా రిలీజ్ వాయిదా ప‌డింది. ఈ చిత్రం నుంచి రిలీజైన టీజర్, పాటలు మంచి ఆదరణ పొందాయి. దేవిశ్రీ ప్రసాద్ సంగీతం అందించారు.
ఈ సినిమా ఓటీటీ హక్కులను (Aha )ఆహా స్ట్రీమింగ్ సంస్థ భారీ ధరకు దక్కించుకుంది. 'రంగ రంగ వైభవంగా' సినిమా థియేటర్‌లో విడుదలైన ఐదు వారాల తర్వాత స్ట్రీమింగ్ కానుంది. ఈ సినిమాతో వైష్టవ్ తేజ్ హ్యాట్రిక్ హిట్ కొడతాడో లేదో చూడాలి.
త‌న సినిమా 'రంగ రంగ వైభవంగా' సినిమా రిలీజ్‌పై వైష్ణవ్ తేజ్ సోష‌ల్ మీడియాలో ఓ పోస్ట్ పెట్టారు. ఈ సినిమా సెప్టెంబ‌ర్ 2న ప‌వ‌ర్ పుల్‌గా రిలీజ్ కానుందంటూ ట్వీట్ చేశారు. ప‌వ‌న్ క‌ల్యాణ్ (Pawan Kalyan) పుట్టిన రోజున త‌న సినిమా విడుదల కానుంద‌ని చెప్ప‌క‌నే చెప్పారు వైష్ణవ్ తేజ్.
