మహేష్ బాబు (Mahesh Babu) సినిమా 'ఎస్ఎస్ఎంబి 29'పై రాజ‌మౌళి క్లారిటీ !
సూపర్‌స్టార్ మహేష్ బాబు (Mahesh Babu) 29వ సినిమా జక్కన్న ఎస్ఎస్ రాజ‌మౌళి డైరెక్షన్‌లో తెర‌కెక్కుతున్న సంగ‌తి తెలిసిందే. మహేష్ బాబు మొద‌టిసారి ఈ పాన్ ఇండియా సినిమాలో న‌టిస్తున్నారు. మహేష్, రాజ‌మౌళి కాంబినేష‌న్ సినిమాపై అభిమానులలో భారీ అంచ‌నాలే ఏర్ప‌డ్డాయి. ఈ సినిమాకు 'ఎస్ఎస్ఎంబి 29' అనే టెంప‌ర‌రీ టైటిల్‌ను ఫిక్స్ చేశారు. తాజాగా రాజ‌మౌళి 'ఎస్ఎస్ఎంబి 29' సినిమాపై చేసిన కామెంట్స్ సోష‌ల్ మీడియాలో వైర‌ల్‌గా మారాయి.
రాజ‌మౌళి ఏమ‌న్నారంటే..
'టొరంటో ఇంటర్నేషనల్‌ ఫిలిం ఫెస్టివల్' వేడుక‌ల‌కు రాజ‌మౌళి (SS Rajamouli) హాజ‌ర‌య్యారు. ఈ వేడుక‌ల్లో పాల్గొన్న రాజ‌మౌళి 'ఎస్ఎస్ఎంబి 29' విశేషాల‌ను షేర్ చేసుకున్నారు. ప్ర‌పంచ స్థాయిలో ఓ యాక్ష‌న్ అడ్వెంచర్ థ్రిల్లర్‌ను మహేష్ బాబుతో తెరకెక్కిస్తున్నానని రాజ‌మౌళి తెలిపారు. ఈ సినిమాను రూ. 300 నుంచి రూ. 400 కోట్ల బ‌డ్జెట్‌తో తెర‌కెక్కించ‌నున్నార‌ట. నిర్మాత కెఎల్ నారాయ‌ణ ఈ సినిమాను నిర్మిస్తున్నారు.
మహేష్, రాజ‌మౌళి కాంబో అదుర్స్
'ఆర్.ఆర్.ఆర్'తో రాజ‌మౌళి తెలుగు సినిమాను హాలీవుడ్ స్థాయికి తీసుకెళ్లారు. అలాగే, ప్రస్తుతం మహేష్ త‌న 29 వ సినిమాను రాజ‌మౌళి ద‌ర్శ‌క‌త్వంలో చేయనున్నారు. 'ఎస్ఎస్ఎంబి 29' సినిమాకు సంబంధించిన స్క్రిప్ట్ వ‌ర్క్ పకడ్బందీగా జ‌రుగుతోందని స‌మాచారం. ఈ సినిమా వ‌చ్చే ఏడాది సెట్స్‌పైకి వెళ్ల‌నుంది. ఈ సినిమాకు రాజ‌మౌళి తండ్రి విజయేంద్ర ప్రసాద్ కథను అందిస్తున్నారు. అలాగే రాజ‌మౌళి సోద‌రుడు కీరవాణి సంగీతాన్ని సమకూర్చనున్నారు.
