Ginna First Look: పవర్ ఫుల్ పాత్రలో మంచు విష్ణు (Manchu Vishnu).. జిన్నా ఫస్ట్ లుక్ రిలీజ్!
మూవీ ఆర్టిస్ట్స్ అసోసియేషన్ (MAA) ప్రెసిడెంట్, హీరో మంచు విష్ణు నటిస్తున్న తాజా చిత్రం 'జిన్నా' (Ginna). ఈషన్ సూర్య దర్శకత్వం వహించిన ఈ చిత్రంలో పాయల్ రాజ్‌పుత్, సన్నీలియోన్ కథానాయికలుగా నటిస్తున్నారు.
AVA ఎంటర్‌టైన్‌మెంట్ & 24 ఫ్రేమ్స్ ఫ్యాక్టరీ నిర్మించిన ఈ సినిమాలో వెన్నెల కిషోర్, సునీల్ (Actor Suneel) కీలక పాత్రలు పోషిస్తున్నారు. అనూప్ రూబెన్స్ ఈ చిత్రానికి సంగీతం అందిస్తున్నారు. తెలుగు, హిందీ, తమిళం మరియు మలయాళంలో ఈ చిత్రాన్ని విడుదల చేయడానికి ప్లాన్ చేస్తున్నారు.
'జిన్నా' సినిమా (Ginna) ప‌ల్లెటూరి బ్యాక్‌డ్రాప్‌లో ముగ్గురు స్నేహితుల కథ‌తో రూపొందుతోంది. కాగా, ఈ సినిమాకు 'జిన్నా' అనే టైటిల్‌ పెడుతున్న విషయాన్ని కూడా గతంలో వెరైటీగా ప్రకటించారు. ఆ వీడియోను మంచు విష్ణు సోషల్ మీడియా ద్వారా అభిమానుల‌తో పంచుకున్నాడు. కథ రాసిన కోన వెంకట్‌, డైరెక్టర్‌ సూర్య, కెమెరా మ్యాన్‌ చోటా కే నాయుడు, మ్యూజిక్‌ అందించిన అనూప్ రూబెన్స్ (Anup Rubens) లతో విష్ణు ఫన్నీగా మాట్లాడుతూ ఆ సినిమా టైటిల్‌ను రివీల్ చేశారు. అప్పటినుంచీ ఈ సినిమా పై క్యూరియాసిటీని పెంచుతూనే ఉంది.
'జిన్నా' (Ginna)సినిమాను రకరకాలుగా ప్రమోట్ చేస్తోంది చిత్ర యూనిట్. అందులో భాగంగా చిత్రబృందం తాజాగా ఈ చిత్ర ఫస్ట్ లుక్ పోస్టర్‌ను అధికారికంగా రిలీజ్ చేసింది. ఈ ఫస్ట్ లుక్ లో విష్ణు స్టైల్‌గా కనిపించాడు. పైగా మంచు విష్ణు (Manchu Vishnu) జిన్నా లుక్‌ని రివీల్ చేసేందుకు ‘జిన్నా టీమ్’ చేసిన స్పెషల్ వీడియో కూడా చాలా బాగుంది.
ఈ ఫస్ట్ లుక్‌లో (Ginna Firs Look) కొరియోగ్రాఫర్ ప్రేమ్ రక్షిత్‌, అలాగే చోటా కే నాయుడు కనిపించడం విశేషం. ఈ ఫస్ట్ లుక్ వీడియోలో హీరో అని పిలిస్తే పలకని మంచు విష్ణు.. జిన్నా అనగానే మాత్రం చటుక్కున లేచి నిలబడి దేనికైనా రెడీ అంటుండటం విశేషం. పూర్తిగా వైట్ అండ్ వైట్ లో విష్ణు అద్భుతంగా కనిపిస్తున్నాడు. మొత్తానికి ఈ సినిమా గ్లింప్స్ సినిమాపై హైప్‌ని పెంచింది.
