The Ghost: 'ది ఘోస్ట్' కోసం నాగార్జున (Nagarjuna) అంత రిస్క్ చేశారా!.. మేకింగ్ వీడియో అదుర్స్
The Ghost: టాలీవుడ్ కింగ్ నాగార్జున (Nagarjuna) కొత్త సినిమా 'ది ఘోస్ట్' విడుద‌ల ద‌గ్గ‌ర‌ప‌డుతోంది. మేక‌ర్స్ ప్ర‌మోష‌న్ల జోరును పెంచారు. 'ది ఘోస్ట్' చిత్రం నుంచి తాజాగా మేకింగ్ వీడియోను రిలీజ్ చేశారు. ఈ సినిమాలో ఫైట్స్ హైలెట్‌గా నిల‌వ‌నున్నాయి. మేకింగ్ వీడియో చూస్తే నాగార్జున 'ది ఘోస్ట్' సినిమాకు చేసిన హార్డ్ వ‌ర్క్ స్ప‌ష్టంగా క‌నిపిస్తుంది. ర‌క‌ర‌కాల గ‌న్స్‌, ప‌దునైన క‌త్తుల‌తో నాగార్జున చేసిన సాహ‌సాలు చూస్తే వండ‌ర్ అనాల్సిందే. ఈ చిత్రంలో సోనాల్ చౌహాన్ కూడా నాగార్జునతో క‌లిసి ఫైట్స్ చేయ‌డం థ్రిల్‌గా అనిపించింది.
ద‌స‌రాకు రిలీజ్
'ది ఘోస్ట్' సినిమా ద‌స‌రా పండుగ కానుక‌గా అక్టోబ‌ర్ 5 తేదీన ప్ర‌పంచ వ్యాప్తంగా రిలీజ్ కానుంది. ఈ ఓ త‌ల్లీ కూతుళ్ల‌ను కాపాడే ప్ర‌య‌త్నంలో నాగార్జున ఎదుర్కొనే స‌వాళ్లు ప్ర‌ధాన అంశంగా ఈ సినిమా క‌థ సాగ‌నుంది. నాగార్జున్ ఫైట్స్ సినిమాకు హైలెట్ కానున్నాయి. సస్పెన్స్ థ్రిల్ల‌ర్‌గా 'ది ఘోస్ట్' విడుద‌ల కానుంది.
'ది ఘోస్ట్' (The Ghost) సినిమాను ద‌ర్శ‌కుడు ప్రవీణ్‌ సత్తారు తెర‌కెక్కించారు. శ్రీ వెంకటేశ్వర సినిమాస్, నార్త్ స్టార్ ఎంటర్‌టైన్‌మెంట్ బ్యానర్స్ పై ఈ చిత్రాన్ని సునీల్‌ నారంగ్‌, పుస్కూర్‌ రామ్‌ మోహన్‌ రావు, శరత్‌ మరార్ సంయుక్తంగా నిర్మించారు. ఈ చిత్రానికి మార్క్ కే రాబిన్ మ్యూజిక్ అందిస్తున్నారు.
నాగార్జున న‌ట‌నే హైలెట్!
నాగార్జున ఇంటర్‌పోల్‌ ఆఫీసర్‌గా 'ది ఘోస్ట్'లో క‌నిపించ‌నున్నారు. బాలీవుడ్ న‌టి గుల్ ప‌నాగ్‌, అనిఖా సురేంద్ర ఈ సినిమాలో ప్ర‌త్యేక పాత్ర‌ల‌లో న‌టించారు. నాగార్జున న‌టించిన 'వైల్డ్ డాగ్' సస్పెన్స్ థిల్ల‌ర్ జోన్‌లో ఇటీవ‌ల రిలీజ్ అయింది. కోవిడ్ కార‌ణంగా ఈ సినిమా అనుకున్నంత స‌క్సెస్ కాలేదు. కానీ ఆ సినిమాలో నాగార్జున న‌ట‌న‌కు మంచి గుర్తింపు వ‌చ్చింది. 'ది ఘోస్ట్' సినిమాతో మ‌రోసారి నాగార్జున ప్రేక్ష‌కుల‌ను థ్రిల్ చేయ‌నున్నారు.
