బోయపాటి-రామ్ (Ram Pothineni) కాంబోలో వస్తున్న సినిమా నుంచి వరుస అప్డేట్స్.. హీరోయిన్ గా శ్రీలీల (Sree Leela)
టాలీవుడ్ యంగ్ అండ్ ఎనర్జిటిక్ హీరో రామ్ పోతినేని (Ram Pothineni), బోయపాటి శ్రీను కాంబోలో ఓ పాన్ ఇండియా చిత్రం తెర‌కెక్కుతోన్న సంగ‌తి తెలిసిందే. శ్రీనివాసా సిల్వర్ స్క్రీన్ పతాకంపై ప్రొడక్షన్ నెంబర్9గా శ్రీనివాస చిట్టూరి ఈ చిత్రాన్ని నిర్మిస్తున్నారు. ఇటీవలే పూజా కార్యక్రమాలతో ఈ చిత్రం లాంఛ‌నంగా ప్రారంభమయింది.
దర్శకుడు బోయపాటి శ్రీను (Boyapati Srinu) భారీ యాక్షన్ ఎంటర్టైనర్ మూవీ గా తెరకెక్కిస్తున్నట్లు తెలుస్తోంది. ఈ మూవీ ని భారీ బడ్జెట్ తో పాన్ ఇండియా రేంజ్ లో తెరకెక్కించబోతున్నారు. దీంతో ఈ మూవీ పై రామ్ పోతినేని (Ram Pothineni) అభిమానులతో పాటు, సినీ ప్రేమికులు కూడా అంచనాలు భారీగానే పెట్టుకున్నారు. ఈ నేపథ్యంలో దసరా పండుగ సందర్భంగా ఈ చిత్రంపై మేకర్స్ ఏకంగా మూడు క్రేజ్ అప్డేట్స్‌ను విడుదల చేశారు.
అందులో మొద‌టిది ఈ చిత్రంలో యంగ్ బ్యూటీ, 'పెళ్లి సందD' శ్రీలీలను (Sree Leela) రామ్ పోతినేని సరసన హీరోయిన్ గా కన్ఫమ్ చేశారు. ఈ బ్యూటీని అషీషియల్ గా ఆహ్వానస్తూ ట్వీట్ చేశారు మేకర్స్. ఇక, మ‌రో అప్డేట్ ఏంటంటే.. ఈ చిత్రానికి సంగీత ద‌ర్శ‌కుడిగా మ్యూజిక్ సెన్షేషన్ ఎస్ఎస్ థమ‌న్‌ను ఖాయం చేసుకున్నారు. ఇక లేటెస్ట్ న్యూస్ ఏంటంటే.. ఈ యాక్షన్ డ్రామా రెగ్యులర్ షూటింగ్ నేటి నుంచే ప్రారంభమవుతుందని మేకర్స్ వెల్లడించారు.
ఈ విషయాన్ని అధికారికంగా ప్రకటిస్తూ పోస్టర్స్ (Ram Movie Posters) కూడా విడుదల చేసింది చిత్ర యూనిట్. ప్రస్తుతం ఈ పోస్టర్స్ సోషల్ మీడియాలో వైరల్ అవుతున్నాయి. పలువురు ప్రముఖ నటీన‌టులు, సాంకేతిక నిపుణులు ఈ పాన్ ఇండియా సినిమాలో నటించబోతున్నట్లు సమాచారం. కాగా సినిమాకు సంబంధించిన పూర్తి వివ‌రాల‌పై త్వ‌ర‌లోనే క్లారిటీ ఇవ్వ‌నుంది బోయపాటి టీమ్.
