పొన్నియిన్ సెల్వన్ 1 (Ponniyin Selvan 1) 'రాచ్చ‌స మావ‌యా' సాంగ్ రిలీజ్..అల‌రించిన కార్తీ, శోభితాల హావ‌భావాలు !
త‌మిళ స్టార్ ద‌ర్శ‌కుడు మ‌ణిర‌త్నం అత్యంత ప్ర‌తిష్టాత్మ‌కంగా తెర‌కెక్కించిన చిత్రం 'పొన్నియిన్ సెల్వన్ 1' (Ponniyin Selvan 1). ఇటీవ‌లే రిలీజ్ అయిన ఈ సినిమా ట్రైలర్ త‌మిళ‌నాట చ‌ర్చ‌నీయాంశంగా మారింది. ఎంతో గ్రాండ్‌గా ఈ సినిమా ట్రైల‌ర్‌ను విడుద‌ల చేశారు. ర‌జ‌నీకాంత్, క‌మ‌ల్ హాస‌న్ ఈ సినిమా ట్రైలర్ రిలీజ్ కార్యక్రమానికి ముఖ్య అతిథులుగా విచ్చేశారు.
లెజెండరీ మ్యూజిక్ డైరెక్టర్ ఎ.ఆర్. రెహ‌మాన్, మాజీ ప్రపంచ సుందరి ఐశ్వర్యరాయ్ బ‌చ్చ‌న్ కూడా ఈ కార్యక్రమానికి హాజ‌ర‌య్యారు. ప్రస్తుతం ఈ సినిమా నుంచి ఓ సాంగ్‌ను రిలీజ్ చేశారు మేక‌ర్స్.
ఆక‌ట్టుకున్న కార్తీ, శోభితాల న‌ట‌న
'రాచ్చ‌స మావ‌య' అంటూ సాగే ఈ పాట‌లో శోభిత ధూళిపాళ నటించారు. త‌న బావ‌ను ఆట‌ప‌ట్టించే పాట‌లో శోభిత న‌ట‌న ఆక‌ట్టుకుంది. ఇక కార్తీ హావ‌భావాలు అదిరిపోయాయి. ఆస్కార్ అవార్డు గ్ర‌హీత, ప్ర‌ముఖ మ్యూజిక్ డైరెక్టర్ ఎ.ఆర్. రెహ‌మాన్ 'రాచ్చ‌స మావ‌య' పాట‌కు సంగీతం అందించారు. ఈ పాట‌ను శ్రేయ ఘోష‌ల్‌, శంక‌ర్ మ‌హ‌దేవ‌న్, మ‌హేష్ వినాయ‌క‌రామ్‌లు అద్భుతంగా ఆల‌పించారు. అనంత శ్రీరామ్ తెలుగులో లిరిక్స్ అందించారు.
పాన్ ఇండియా లెవ‌ల్‌లో జానపద చిత్రం 'పొన్నియిన్ సెల్వన్ 1' (Ponniyin Selvan 1) తెరకెక్కింది. ఈ సినిమా మొదటి భాగం ప్రపంచ వ్యాప్తంగా సెప్టెంబ‌ర్ 30న రిలీజ్ కానుంది. తమిళ్‌తో పాటు తెలుగు, క‌న్న‌డ, మ‌ల‌యాళం, హిందీ భాష‌ల్లో 'పొన్నియిన్ సెల్వన్ 1' సినిమాను విడుద‌ల చేయ‌నున్నారు. ఈ చిత్రాన్ని లైకా ప్రొడ‌క్ష‌న్స్ సంస్థ‌తో కలిసి, మ‌ద్రాస్ టాకీస్ బ్యాన‌ర్‌పై మ‌ణిర‌త్నం స్వీయ నిర్మాణంలో తెర‌కెక్కించారు. 'పొన్నియిన్ సెల్వన్ 1' చిత్రంలో చియాన్ విక్ర‌మ్‌, కార్తి, జయం రవి, ఐశ్వర్యరాయ్, త్రిష, బాబీ సింహ వంటి ప్ర‌ముఖులు నటించారు.
