Allu Arjun: త్రివిక్రమ్ దర్శకత్వంలో యాడ్ షూట్ కోసం ఐకాన్ స్టార్ అల్లు అర్జున్ స్టైలిష్ లుక్.. ఫొటోలు వైరల్!
టాలీవుడ్ స్టైలీష్ స్టార్ అల్లు అర్జున్ (Allu Arjun) ప్రస్తుతం 'పుష్ప 2' (Pushpa 2) కోసం సన్నద్ధమవుతున్నారు. సుకుమార్ దర్శకత్వంలో తెరకెక్కుతున్న ఈ మూవీ రెగ్యూలర్ షూటింగ్ ఆగస్టు చివరి వారంలో ప్రారంభం కానున్న సంగతి తెలిసిందే. అయితే తాజాగా అల్లు అర్జున్ న్యూ లుక్ ఫోటోలు సోషల్ మీడియాలో వైరల్ గా మారాయి. ఈ న్యూ లుక్ పుష్ప 2 కోసమా? అనే వార్తలు వస్తున్నాయి.
అల్లు అర్జున్‌కు సంబంధించిన కొన్ని ఫొటోలు ఇప్పుడు సోషల్ మీడియాలో వైరల్ (Allu arjun Photos Viral) అవుతున్నాయి. ఈ ఫొటోల్లో ఎంతో స్టైలిష్ లుక్‌లో కనిపిస్తున్న అల్లువారబ్బాయి ఓ యాడ్ షూటింగ్ కోసం వెళ్తున్నారు. ఇందులో ఫ్లోరల్‌ షర్ట్‌, జాగర్స్‌, తలపై హ్యాట్‌తో అర్జున్ ఎంతో కూల్ లుక్‌లో కనిపించాడు. ఈ ఫొటోలు సోషల్ మీడియాలో కనిపించగానే నెటిజన్స్ లైక్స్‌, కామెంట్స్, షేర్లతో హోరెత్తించారు.
అయితే ఇలా ఉన్నట్టుండి బన్నీ తన స్టైల్ మార్చడానికి ఒక కారణం ఉంది. ఓ యాడ్ షూట్ కోసం అర్జున్ ఇలా ఉబెర్ కూల్ దుస్తుల్లోకి మారిపోయినట్లుగా తెలుస్తోంది. డైరెక్టర్ త్రివిక్రమ్ శ్రీనివాస్ (Director Trivikram) దర్శకత్వంలో బన్నీ ఓ ప్రకటన షూట్ చేస్తున్నట్లుగా తెలుస్తోంది. ఇందుకు సంబంధించిన షూటింగ్ ప్రస్తుతం రామోజీ ఫిల్మ్ సిటీలో జరుగుతోంది.
హ్యాట్రిక్ సూపర్ హిట్ సినిమాలిచ్చిన ఈ ఇద్దరి కాంబినేషన్ లో ఓ యాడ్ రావడంపై హ్యాపీ గా ఉన్న ఫ్యాన్స్.. ఇదో ట్రెండ్ సెట్టర్ కావాలని కోరుకుంటున్నారు. మొత్తానికి బన్నీ లేటెస్ట్ లుక్ కు ఫిదా అయిపోయామని చెప్తున్న ఫ్యాన్స్.. ఫొటోలను వైరల్ చేస్తున్నారు.
ఇక, అల్లు అర్జున్ సినిమాల విషయానికి వస్తే.. పుష్ప 2 సినిమాలో ఫహద్ ఫాజిల్తోపాటు తమిళ్ స్టార్ విజయ్ సేతుపతి (Vijay Sethupathi) సైతం కీలకపాత్రలో నటిస్తున్నట్లుగా తెలుస్తోంది. అలాగే పుష్ప 2 మాత్రమే కాకుండా పుష్ప 3 కూడా ఉండనున్నట్లు ఇటీవలే ఓ ఇంటర్వ్యూలో ఫహాద్ హింట్ ఇచ్చిన సంగతి తెలిసిందే. దీంతో పుష్ప 2 (Pushpa ) సినిమాపై మరిన్ని అంచనాలు నెలకొన్నాయి.
Read More: “పుష్ప 3” కూడా ఉంటుంది.. ఫాహద్ ఫాజిల్ (Fahadh Faasil) సంచలన వ్యాఖ్యలు..!!
