కిన్నెరసాని (Kinnerasani) ట్రైల‌ర్ - ద్వేషానికైనా .. ప్రేమ‌కైనా ఓ లిమిట్ ఉండాలంటున్న క‌ళ్యాణ్ దేవ్
మెగాస్టార్ చిరంజీవి చిన్న అల్లుడు క‌ళ్యాణ్ దేవ్ (Kalyaan Dhev)కు న‌ట‌న అంటే ఎంతో ఇష్టం. విజేత సినిమాతో టాలీవుడ్‌లోకి ఎంట్రీ ఇచ్చారు క‌ళ్యాణ్ దేవ్. విజేత సినిమా అనుకున్నంత హిట్ సాధించ‌లేక‌పోయింది. ఆ త‌ర్వాత సూప‌ర్ మ‌చ్చి సినిమాతో కూడా ఫ్లాప్ అందుకున్నాడు. ప్రస్తుతం కిన్నెరసాని (Kinnerasani) సినిమాతో ప్రేక్ష‌కుల‌కు వినోదం పంచాల‌ని ప్ర‌య‌త్నిస్తున్నారు. కిన్నెరసాని సినిమాను ఓటీటీలో విడుద‌ల చేయ‌నున్నారు. ఈ సినిమా థిల్ల‌ర్ నేప‌థ్యంలో తెర‌కెక్కింది. కిన్నెరసాని ట్రైల‌ర్ రిలీజ్ అయింది. 'ఈ ప్ర‌పంచంలో ప్ర‌తీ దానికి ఓ లిమిట్ ఉండాలి.. అది ద్వేషానికైనా .. చివ‌రికి ప్రేమ‌కైనా' అని చెప్పిన క‌ళ్యాణ్ దేవ్ డైలాగులు థ్రిల్లింగ్‌గా అనిపిస్తున్నాయి.
ఓటీటీ సంస్థ జీ-5లో స‌స్పెన్స్ థ్రిల్ల‌ర్‌గా కిన్నెరసాని (Kinnerasani) జూన్ 10 నుంచి స్ట్రీమింగ్ కానుంది. ద‌ర్శ‌కుడు ర‌మ‌ణతేజ ద‌ర్శ‌క‌త్వంలో కిన్నెరసాని మూవీని తీశారు. క‌ళ్యాణ్‌దేవ్‌కు జోడీగా ఇద్ద‌రు హీరోయిన్లు అన్‌శీత‌ల్, కాశీష్‌ఖాన్ న‌టించారు. ఈ చిత్రానికి మ‌హ‌తి స్వ‌రసాగ‌ర్ సంగీతం అందించారు.ఎస్ఆర్‌టి ఎంటర్టైనమెంట్స్, శుభ‌మ్ ఎంటర్టైనమెంట్స్ బ్యాన‌ర్‌ల‌పై రామ్ తాళ్ళూరి కిన్నెరసాని చిత్రాన్ని నిర్మించారు.
