ఓటీటీలో విడుదల కాబోతున్న కోబ్రా ( Cobra) .. చియాన్ విక్రమ్ యాక్షన్ థ్రిల్లర్ పై థియేటర్లలో మిశ్రమ స్పందనలు !
టాలీవుడ్ ప్రేక్షకులకు పెద్దగా పరిచయం అవసరం లేని పేరు ' చియాన్ విక్రమ్' (Vikram). విభిన్నమైన కథలను సెలెక్ట్ చేసుకుంటూ వైవిధ్యభరితమైన నటనతో ప్రేక్షకులను అలరిస్తుంటారు విక్రమ్. ఆయన తాజాగా నటించిన చిత్రం 'కోబ్రా'. అజయ్ జ్ఞానముత్తు దర్శకత్వంలో యాక్షన్ థ్రిల్లర్‌‌గా తెరకెక్కిన ఈ సినిమా.. ఆగస్టు 31వ తేదీన తెలుగు, తమిళ, కన్నడ భాషల్లో విడుదలయింది.
‘కోబ్రా’ (Cobra) రిలీజ్‌కు ముందర ఎలాంటి అంచనాలు క్రియేట్ చేసిందో మనం చూశాం. ఈ సినిమాలో విక్రమ్ విభిన్న గెటప్స్‌లో కనిపించడంతో 'ఆయన పర్ఫార్మెన్స్ ఎలా ఉంటుందా' అని అందరూ ఆసక్తిగా చూశారు. అయితే ఈ సినిమాలో కంటెంట్ ప్రేక్షకులను అంతగా ఆకట్టుకోలేదు. దీంతో ఈ సినిమా బాక్సాఫీస్ వద్ద పరాజయం పాలైంది.
అయితే ఇప్పుడు ఈ ' కోబ్రా' మూవీ ఓటీటీ రిలీజ్ (Cobra OTT Release) కోసం విక్రమ్ ఫ్యాన్స్‌ ఆసక్తిగా ఎదురు చూస్తున్నారు. ఇటీవలే విడుదల చేసిన వీడియోలో, సోనీ LIV అధికారికంగా ఈ విషయాన్ని తెలిపింది. కోబ్రా తమ డిజిటల్ ప్లాట్‌ఫారమ్‌లో త్వరలో విడుదలకు సిద్ధంగా ఉందని ధృవీకరించింది.
అయితే తాజా సమాచారం ప్రకారం, ఈ చిత్రం సెప్టెంబర్ 23 లేదా సెప్టెంబర్ 31 తేదిన డిజిటల్ ప్రేక్షకులను అలరించనుందని టాక్. మనం కూడా ఈ సినిమా స్ట్రీమింగ్ తేదీని తెలుసుకోవాలంటే, మరికొంత కాలం వేచి ఉండాల్సిందే.
అజయ్ జ్ఞానముత్తు దర్శకత్వం వహించిన ఈ చిత్రంలో ' కేజీఎఫ్' ఫేమ్ శ్రీనిధి శెట్టి (Srinidhi Shetty) కథానాయికగా నటించింది. సిల్వర్ స్క్రీన్ స్టూడియో నిర్మించిన ఈ చిత్రంలో ఇర్ఫాన్ పఠాన్, రోషన్ మాథ్యూ, మృణాళిని రవి, మీనాక్షి తదితరులు కీలక పాత్రలు పోషించారు. ఈ చిత్రానికి ఏఆర్ రెహమాన్ సంగీత దర్శకుడుగా వ్యవహరించారు.
Read More:3D: టెక్నాలజీలో 10 భాషల్లో విడుదల కాబోతున్న 'సూర్య 42' (Suriya 42).. మోషన్ పోస్టర్ రిలీజ్!
