దళపతి విజయ్ (Vijay) హీరోగా నటించిన 'వరిసు' (Varisu) పూర్తిగా తమిళ చిత్రం.. వంశీ పైడిపల్లి కామెంట్స్ వైరల్!
కోలీవుడ్ స్టార్ హీరో దళపతి విజయ్ (Tahlapathy Vijay) న‌టిస్తున్న తొలి తెలుగు సినిమా 'వారసుడు' (Vaarasudu). శ్రీ వెంకటేశ్వర క్రియేషన్స్, పీవీపీ బ్యానర్లపై దిల్ రాజు, శిరీష్, పరమ్ వి పొట్లూరి, పెరల్ వి పొట్లూరి సంయుక్తంగా నిర్మిస్తున్నారు. ఇక, ఈ సినిమాలో నేషనల్ క్రష్ రష్మిక మందన్న (Rashmika Mandanna) హీరోయిన్ గా నటిస్తోంది.
వంశీ పైడిపల్లి (Vamsi Paidipally) ద‌ర్శ‌త్వం వహిస్తున్న 'వారసుడు' (Vaarasudu) సినిమా షూటింగ్ శరవేగంగా షూటింగ్ జరుపుకుంటున్న ఈ సినిమా ఫ్యామిలీ ఎంటర్టైనర్ గా తెరకెక్కుతోంది. కార్తీక్ పళని ఫోటోగ్రఫీ అందిస్తున్న ఈ సినిమాలో రాధికా శరత్ కుమార్, ప్రకాష్ రాజ్, ప్రభు, శ్రీకాంత్, యోగి బాబు, జయసుధ, సంగీత క్రిష్, ఖుష్బూ తదితరులు ఇతర పాత్రలు పోషిస్తున్నారు. ఈ చిత్రానికి మ్యూజికల్ సెన్సేషన్ థమన్ సంగీతం అందిస్తున్నారు.
తాజాగా ఓ ఇంటర్వ్యూలో 'వారసుడు' (Vaarasudu) డైరెక్టర్ వంశీ పైడిపల్లి ఈ సినిమా పై కీలక వ్యాఖ్యలు చేశారు. 'వరిసు' ద్విభాషా చిత్రమా కాదా అని ఇంటర్వ్యూయర్ అడగ్గా, 'వరిసు' పూర్తిగా తమిళ చిత్రమని కుండబద్దలు కొట్టేశారు. కాబట్టి, ఈ సినిమా తెలుగు వెర్షన్ 'వారసుడు' డబ్బింగ్ సినిమా అని ఇప్పుడు ధృవీకరించబడింది.
మరోవైపు.. దీపావళి సందర్భంగా మూవీ మేకర్స్ ఈ సినిమా నుండి కొత్త పోస్టర్‌ను (Vaarasudu Release Poster) విడుదల చేశారు. పోస్టర్ లో స్టార్ యాక్టర్‌ విజయ్ ఫుల్ యాక్షన్‌ మోడ్ లో ఉన్నట్లు తెలుస్తోంది. ఈ పోస్టర్‌తో సినిమా 2023 పొంగల్ రేసులో ఉండబోతోందని మూవీ టీమ్ రీ కన్ఫర్మ్ చేసింది. వారసుడు జనవరి 12,2023న ప్రపంచవ్యాప్తంగా ప్రేక్షకుల ముందుకు రాబోతోంది.
ఈ సినిమాను ఔట్ అండ్ ఔట్ ఫ్యామిలీ ఎంటర్టైనర్ మూవీగా తెరకెక్కిస్తున్నారు. ఇక ఈ సినిమాతో తెలుగులోనూ మరోసారి అదిరిపోయే మార్కెట్ ను సొంతం చేసుకోవాలని విజయ్ భావిస్తున్నాడు. ఈ సినిమా ఆడియో హక్కులు రూ.10కోట్ల రూపాయలకు అమ్ముడయ్యాయని తెలుస్తోంది. డిజిటల్ హక్కులు రూ.60 కోట్ల రూపాయలకు, శాటిలైట్ హక్కులు రూ.50 కోట్ల రూపాయలకు అమ్ముడయినట్లు సమాచారం.
