Das Ka Dhamki: విశ్వక్ సేన్ (Vishwak Sen) “దాస్ కా ధమ్కీ” సినిమా ఫ‌స్ట్ లుక్ రిలీజ్ ఎప్పుడంటే..
Das Ka Dhamki: టాలీవుడ్ హీరో విశ్వక్ సేన్ (Vishwaksen) 'ఫలక్‌నుమా దాస్'తో తన టాలెంట్ ఏంటో ప్రేక్ష‌కుల‌కు చూపించారు. విశ్వక్ సేన్ హీరోగా న‌టించ‌డ‌మే కాకుండా దర్శకత్వం కూడా వ‌హించారు. ఆ సినిమా సూప‌ర్ డూప‌ర్ హిట్‌గా నిలిచింది. ప్రస్తుతం విశ్వక్ సేన్ హీరోగా తన స్వీయ దర్శకత్వంలో తెర‌కెకిస్తున్న చిత్రం 'దాస్ కా ధమ్కీ'. వన్మయే క్రియేషన్స్‌, విశ్వక్ సేన్ సినిమాస్‌ బ్యానర్లపై ఈ సినిమాను కరాటే రాజు నిర్మిస్తున్నారు.
దీపావ‌ళికి ఫ‌స్ట్ లుక్
'దాస్ కా ధమ్కీ' చిత్రంలో విశ్వక్ సేన్ (Vishwaksen) కు జోడిగా నివేదా పేతురాజ్ న‌టిస్తున్నారు. ల‌వ్ యాక్షన్‌ థ్రిల్లర్‌గా ఈ సినిమాను చిత్రీక‌రిస్తున్నారు. 'దాస్ కా ధమ్కీ' చిత్రం ఐదు భాష‌ల్లో తెర‌కెక్కుతుంది. తెలుగుతో పాటు హిందీ, త‌మిళ్, క‌న్న‌డ, మ‌ల‌యాళ భాష‌ల్లో ఈ సినిమా విడుద‌ల కానుంది. ఈ సినిమా షూటింగ్ దాదాపుగా పూర్త‌యింది. మ‌రో వారంలో సినిమాకు సంబంధించిన ఫైన‌ల్ షూటింగ్‌ను పూర్తిచేయ‌నున్నారు.
'ఆర్‌ఆర్‌ఆర్‌', 'హరిహర వీరమల్లు' సినిమాల‌ఫైట్ మాస్టర్స్‌ టోడర్ లాజరోవ్, జుజిల‌తో 'దాస్ కా ధమ్కీ' సినిమా ఫైట్ సీన్ల‌ను చిత్రీక‌రించ‌నున్నారు. ఈ చిత్రానికి ప్రసన్న కుమార్‌ బెజవాడ కథ, మాటలు అందించారు. దినేష్ కె బాబు సినిమాటోగ్రఫర్‌గా వ్య‌వ‌హ‌రిస్తున్నారు. లియోన్ జేమ్స్ సంగీతం అందిస్తున్నారు. రావు రమేష్‌, హైపర్‌ ఆది, రోహిణి, పృథ్వీరాజ్‌ ఈ సినిమాలో కీల‌క పాత్ర‌లు పోషించారు. దీపావళి పండుగ‌కు 'దాస్ కా ధమ్కీ' సినిమా ఫస్ట్‌లుక్ పోస్టర్‌ను విడుద‌ల చేయ‌నున్నారు.
ఇటీవలే ‘అశోక వ‌నంలో అర్జున క‌ళ్యాణం’ సినిమా ప్రమోషన్స్‌లో భాగంగా ప్రాంక్ అంటూ రచ్చ రచ్చ చేసిన విశ్వక్ సేన్.. ఈ సినిమా కోసం ఎలాంటి హంగామా చేయ‌నున్నారో!.
Read More: Ori Devuda: నా దేవుడు 'విక్టరీ వెంక‌టేష్' (Venkatesh) అంటున్న విశ్వ‌క్‌సేన్ (Vishwaksen)!
