యంగ్ హీరోయిన్ వర్ష బొల్లమ్మ (Varsha Bollamma) పెళ్లిపై వస్తున్న రూమర్లు నిజమా?.. కాదా?
కన్నడ నటి వర్ష బొల్లమ్మ (Varsha Bollamma) తక్కువ సమయంలో మంచి పాపులారిటీ సంపాదించారు. తెలుగులో చేసింది తక్కువ సినిమాలే అయినా యూత్‌లో ఆమె తనకంటూ ఓ గుర్తింపు దక్కించుకున్నారు. ‘చూసి చూడంగానే’ సినిమాతో తెలుగులో ఎంట్రీ ఇచ్చిన వర్ష.. ‘మిడిల్ క్లాస్ మెలోడీస్’తో స్టార్‌డమ్ తెచ్చుకున్నారు. ఈ సినిమాలో తనదైన నటనతో ఆమె ఆడియెన్స్‌కు దగ్గరయ్యారు. ఈ చిత్రంతో ఆమెకు వరుస ఆఫర్స్ తలుపు తడుతున్నాయి.
తాజాగా బెల్లంకొండ సాయి శ్రీనివాస్ తమ్ముడు గణేష్ సరసన ‘స్వాతిముత్యం’ (Swathi Muthyam) మూవీలో వర్ష బొల్లమ్మ నటించారు. దసరా పండుగకు విడుదలైన ఈ సినిమా.. ఓ మోస్తరు విజయాన్ని సాధించింది. ప్రస్తుతం ఆమె తదుపరి చేయబోయే సినిమాలపై దృష్టి పెట్టారు. ఈ విషయాన్ని అటుంచితే.. వర్ష పెళ్లి గురించిన వార్తలు టాలీవుడ్‌లో ఒక్కసారిగా గుప్పుమన్నాయి.
వర్ష బొల్లమ్మపై సినీ పరిశ్రమకు చెందిన ఓ వ్యక్తి కుమారుడు మనసు పారేసుకున్నారట. ఆ విషయాన్ని ఇంట్లో చెప్పి ఒప్పించారట. అంతేకాదు ఇప్పటికే నిశ్చితార్థానికి ముహూర్తం కూడా పెట్టుకున్నారని సమాచారం. ఈ ఏడాది ఆఖర్లో ఎంగేజ్‌మెంట్, పెళ్లి చేయాలని ఇరు కుటుంబాలు మాట్లాడుకున్నాయని సోషల్ మీడియాలో గాసిప్స్ వస్తున్నాయి. వీటిల్లో నిజమెంతో ఇంకా తెలియరాలేదు. ఈ వార్తలపై వర్ష బొల్లమ్మ నుంచి ఏమైనా క్లారిటీ వస్తుందేమో చూడాలి.
