Chiranjeevi: 'మెగా154' (Mega 154) నుంచి క్రేజీ అప్డేట్.. నేటి నుంచి డబ్బింగ్ ప్రారంభం.. దీపావళికి టీజర్?
మెగాస్టార్ చిరంజీవి (Chiranjeevi) తాజాగా ‘గాడ్ ఫాదర్’ (Godfather) సినిమాతో ఫ్యాన్స్ ను, ప్రేక్షకులను మెప్పించారు. దీంతో ఈ చిత్రం ఇంకా సక్సెస్ మీట్ లను జరుపుకుంటోంది. ఓ వైపు సక్సెస్ మీట్ లు జరుగుతుండగానే.. మరోవైపు చిరంజీవి ‘మెగా 154’పై (వర్కింగ్ టైటిల్) కూడా ఫోకస్ పెట్టారు. ఆయన హీరోగా బాబీ దర్శకత్వంలో మైత్రి మూవీ మేకర్స్ బ్యానర్ లో ఈ సినిమా తెరకెక్కుతోంది.
‘మెగా 154’ (Mega 154) పూర్తి యాక్షన్ ఎంటర్టైనర్ మూవీగా ఈ సినిమాను చిత్ర యూనిట్ రూపొందిస్తోంది. ఇక ఈ సినిమాలో చిరు ఊరమాస్ అవతారంతో కనిపించబోతున్నట్లు చిత్ర యూనిట్ ఇప్పటికే తెలిపింది. ఇప్పటికే చిత్రీకరణను పూర్తి చేసుకుంటున్న యూనిట్ సినిమా నిర్మాణంలో తాజాగా మరో మెట్టు ఎక్కింది. ఈ మేరకు అభిమానులకు అదిరిపోయే అప్డేట్ అందించారు.
‘మెగా 154’ (Mega 154) చిత్రం డబ్బింగ్ ని ఈ రోజు నుంచి మొదలు పెట్టినట్టు తెలిపింది చిత్ర యూనిట్. ఈ సందర్భంగా పూజా కార్యక్రమం నిర్వహించి అధికారికంగా కొన్ని ఫోటోలు విడుదల చేశారు. దీపావళి కానుకగా సాలిడ్ అప్డేట్స్ సిద్ధంగా ఉండగా మేకర్స్ చిత్రాన్ని వచ్చే ఏడాది సంక్రాంతి కానుకగా రిలీజ్ చేయనున్నారు. అలాగే ఈ సినిమాలో టాలీవుడ్ మాస్ మహారాజ రవితేజ ఓ పవర్‌ఫుల్ రోల్‌లో కనిపిస్తుండగా, దేవిశ్రీ ప్రసాద్ సంగీతం అందిస్తున్నారు.
ఇదిలా ఉంటే మెగాస్టార్ చిరంజీవి (Megastar Chiranjeevi) ఈ సినిమాలో 'గ్యాంగ్ లీడర్', 'ముఠా మేస్త్రి' రకం పాత్రలలో కనిపించబోతున్నట్లు, ఈ సినిమా పూర్తి ఎంటర్టైనర్ జోనర్ లో ఉండబోతున్నట్లు తెలుస్తోంది. ఈ మూవీలో అందాల భామ శ్రుతి హాసన్ హీరోయిన్‌గా నటిస్తోంది.
ఇప్పటి వరకు ఉన్న సమాచారం మేరకు దీపావళి కానుకగా.. ఈ చిత్రం టైటిల్ ను అఫిషియల్ గా అనౌన్స్ చేయబోతున్నారు. ఇక, ఈ సినిమాకు ‘వాల్తేరు వీరయ్య’ అనే టైటిల్ ప్రచారంలో ఉన్న విషయం తెలిసిందే. మరోవైపు టీజర్ ను కూడా విడుదల చేస్తారని తెలుస్తోంది. ‘గాడ్ ఫాదర్’ బ్రహ్మండమైన విజయం సాధించడంతో తదుపరి చిత్రం ‘వాల్తేరు వీరయ్య’ (Valtheru Veeraiah)పై అంచనాలు భారీగా పెరుగుతున్నాయి.
