మిస్టరీ థ్రిల్లర్ లో అనుపమ పరమేశ్వరన్ (Anupama Parameswaran).. భయపెడుతున్న 'బట్టర్ ఫ్లై' (Butterfly) ట్రైలర్!
యూత్ లో గార్జియస్ హీరోయిన్ అనుపమ పరమేశ్వరన్ (Anupama Parameswaran) కి మంచి క్రేజ్ ఉంది. ఈ బ్యూటీ లీడ్ రోల్ లో నటించిన తాజా చిత్రం 'బట్టర్ ఫ్లై' (Butterfly). ఈ చిత్రం సైకో థ్రిల్లర్ నేపథ్యంలో తెరకెక్కుతోంది. ఈ సినిమాకు ఘంట సతీశ్ బాబు దర్శకత్వం వహించగా.. రవి ప్రకాశ్ బోడపాటి, ప్రసాద్, ప్రమోద్ నిర్మించారు.
తాజాగా ‘బట్టర్ ఫ్లై’ సినిమా నుంచి ట్రైలర్ ను రిలీజ్ చేశారు మేకర్స్. ఫుల్ సస్పెన్స్ క్రియేట్‌ చేస్తూ కట్ చేసిన ఈ చిత్ర ట్రైలర్ సినిమాపై అంచనాలను భారీగా పెంచుతోంది. ఇక, ట్రైలర్ విషయానికి వస్తే.. ఓ నగరంలో సైకో వరుసగా చిన్నపిల్లలను కిడ్నాప్ చేస్తూ.. డబ్బు అందుకున్న అనంతరం చంపేస్తుంటాడు. ఈ ఆపరేషన్ కు అతను పెట్టుకున్న పేరే 'బట్టర్ ఫ్లై' (Butterfly).
ఈ నేపథ్యంలో 'బట్టర్ ఫ్లై' (Butterfly Trailer) లో భాగంగా కథానాయిక అనుపమ అపార్టుమెంటులోని ఫ్లాట్ లో తన ఇద్దరు పిల్లలతో కలిసి నివసిస్తూ ఉంటుంది. వారిని ఆ సైకో కిడ్నాప్ చేస్తాడు. ఆ సైకో బారి నుంచి తన పిల్లలను కాపాడుకోవడానికి ఆ తల్లి ఎంతగా తాపత్రయపడిందనేదే సినిమా కథ అనే విషయం ఈ ట్రైలర్ బట్టి చూస్తే అర్థమవుతోంది.
కాగా, పవర్ ఫుల్ గా కట్ చేసిన 'బట్టర్ ఫ్లై' (Butterfly Trailer) ట్రైలర్ కి సూపర్ రెస్పాన్స్ వస్తోంది. బ్యాక్ గ్రౌండ్ మ్యూజిక్ ట్రైలర్ కి బాగా ప్లస్ అయినట్లు తెలుస్తోంది. ఇక, ఈ మిస్టరీ థ్రిల్లర్‌లో భూమిక చావ్లా, రావు రమేష్, నిహాల్ కోధాటి తదితరులు కీలక పాత్రల్లో నటిస్తున్నారు. తెలుగుతో పాటు, ఇతర దక్షిణాది భాషల్లో కూడా ఈ చిత్రం విడుదల కాబోతోంది. డిసెంబర్ 29, 2022న డిస్నీ ప్లస్ హాట్‌స్టార్‌లో విడుదల కాబోతోంది.
