కవల పిల్లలకు తల్లిదండ్రులైన విఘ్నేష్ శివన్-నయనతార (Vignesh Shivan-Nayanathara) జంట.. ఫొటోలు వైరల్!
స్టార్ హీరోయిన్ నయనతార తల్లయ్యారు. విఘ్నేష్ శివన్ (Vignesh Shivan), నయనతార (Nayanathara) జంట మగ కవల పిల్లలకు అమ్మానాన్నలయ్యారు. 2022 జూన్ 9న ఇద్దరు పెళ్లి చేసుకున్నారు. ఆ తర్వాత కొన్ని రోజులకు నయనతార మళ్ళీ సినిమా షూటింగ్స్ లో బిజీ అయిపోయింది. ఆ తర్వాత హనీమూన్ కోసం నెల రోజులకుపైగానే ఇద్దరూ దుబాయ్ వెళ్లారు. అయితే, పెళ్లయి 5 నెలలు కూడా కాలేదు.. అప్పుడే కవల పిల్లలు ఎలా పుట్టారనే అనుమానం రావచ్చు.
ఈ విషయాన్ని నయనతార, విఘ్నేష్ శివన్ (Vignesh Shivan) సోషల్ మీడియా వేదికగా పంచుకున్నారు. "నయన్-నేను అమ్మ, నాన్నగా మారాము. మేము ఆశీర్వదించబడ్డాము. మాకు ట్విన్ బేబీ బాయ్స్.. మా ప్రార్థనలు, మా పెద్దల ఆశీర్వాదాలు అన్ని కలిపి మాకు ఇద్దరు శిశువుల రూపంలో దక్కాయి. మా కోసం మీ అందరి ఆశీస్సులు కావాలి. ఉయిర్- ఉలగం" అంటూ తన సోషల్ మీడియాలో రాసుకొచ్చారు విఘ్నేష్ శివన్.
2015లో వచ్చిన ‘నానుం రౌడ్ ధాన్’ సినిమా సెట్స్‌లో తొలిసారి కలుసుకున్న నయనతార, విఘ్నేశ్ శివన్.. కొంతకాలానికే ప్రేమలో పడ్డారు. చాలా కాలం పాటు డేటింగ్ చేసిన వీరిద్దరూ.. ఆ తరవాత లివ్ ఇన్ రిలేషన్‌షిప్ మెయింటైన్ చేశారు. ఈ ఏడాది జూన్ 9న వివాహ బంధంతో ఒక్కటయ్యారు.
విఘ్నేష్ శివన్-నయనతార (Vignesh Shivan-Nayanthara) వివాహ వేడుకకు రజినీకాంత్, మణిరత్నం, షారుఖ్ ఖాన్, సూర్య, విజయ్ సేతుపతి, డైరెక్టర్ అట్లీ లాంటి స్టార్లు ఎంతో మంది హాజరయ్యారు. పెళ్లి జరిగి ఏడాది పూర్తికాక ముందే సరోగసీ ద్వారా వీరిద్దరూ తల్లిదండ్రులు కూడా అయిపోయారు.
