Bimbisara Rap Song: కల్యాణ్ రామ్ (Kalyan Ram) నటించిన 'బింబిసార' నుంచి సర్‌ప్రైజ్.. అదరగొడుతున్న ర్యాప్ సాంగ్!
నందమూరి కళ్యాణ్ రామ్ (Nandamuri Kalyan Ram) హీరోగా నటించిన తాజా సినిమా 'బింబిసార' (Bimbisara) పాజిటివ్ టాక్‌తో దూసుకుపోతోంది. శుక్ర‌వారం విడుద‌లైన ఈ చిత్రం మొదటి షో నుంచే మంచి టాక్ తెచ్చుకుని బాక్సాఫీస్ వద్ద వ‌సూళ్ళ ప్ర‌భంజ‌నం సృష్టిస్తోంది. ఈ సినిమాను దర్శకుడు వశిష్ఠ తెరకెక్కించగా, ఈ సినిమాలో కళ్యాణ్ రామ్ పర్ఫార్మెన్స్ మరో లెవెల్‌లో ఉందని ప్రేక్షకులు ప్రశంసిస్తున్నారు. ఈ సినిమాకు ప్రేక్షకులతో పాటు పలువురు సెలబ్రిటీలు సైతం ఫిదా అవుతున్నారు.
ఇక 'బింబిసార' చిత్రం కళ్యాణ్రామ్ (Nandamuri Kalyan Ram) కెరీర్‌లోనే బిగ్గెస్ట్ ఓపెనింగ్స్‌ను తీసుకొచ్చింది. కేవ‌లం రెండు రోజుల్లోనే ఈ చిత్రం సుమారు రూ.13 కోట్ల‌కు పైగా క‌లెక్ష‌న్‌ల‌ను సాధించింది. ఆదివారంతో ఈ చిత్రం బ్రేక్ ఈవెన్‌ను పూర్తి చేసుకుని, లాభాల బాట ప‌ట్ట‌నుంది. ఇక, ఈ చిత్రంలో బింబిసారుడిగా కళ్యాణ్రామ్ న‌ట‌న వ‌ర్ణ‌నాతీతం. ఆయన స్క్రీన్ ప్ర‌జెన్స్‌, డైలాగ్ డెలివ‌రీ ప్రేక్ష‌కుల‌ను విపరీతంగా ఆక‌ట్టుకున్నాయి.
తెలుగులో టైమ్ ట్రావెల్ కాన్సెప్ట్‌తో తెరకెక్కిన చిత్రాలు చాలా తక్కువ. అలా నూతన కథాంశంతో ఏ సినిమా వచ్చినా, ప్రేక్షకులు ఆదరిస్తారు. ఇప్పుడు అలాంటి కథాంశంతోనే 'బింబిసార' (Bimbisara Movie) మూవీ తెరకెక్కింది. టైమ్ ట్రావెల్ కథకు కాస్త పీరియాడిక్ డ్రామా జోడించి, ఈ సినిమాను ప్రేక్షకుల ముందుకు తెచ్చింది మూవీ టీమ్. దీంతో ఆడియన్స్ అంతా ఈ మూవీకి ఫిదా అయిపోతున్నారు.
ఇదిలా ఉంటే.. తాజాగా 'బింబిసార' చిత్ర యూనిట్ ఓ సర్‌ప్రైజ్ ఇచ్చింది. ఈ మూవీ నుండి బ్లాస్టింగ్ రేంజ్ లో సాగే ర్యాప్ సాంగ్ ని (Bimbisara Rap Song) యూట్యూబ్ లో రిలీజ్ చేసింది మూవీ యూనిట్. ర్యాప్ వర్షన్‌తో ఈ పాట రాగా, ఇందులో సినిమాలో పలు కీలక సన్నివేశాలను చూపించారు. ట్రెండీ స్టైల్ లో సాగే ఈ పాటని సింగర్స్ లిప్సిక, ఆదిత్య అయ్యంగార్, పృథ్వీ చంద్ర అద్భుతంగా ఆలపించారు. ప్రస్తుతం ఈ ర్యాప్ సాంగ్ అందరినీ ఎంతో ఆకట్టుకుంటోంది.
