సుమంత్ (Sumanth) న‌టిస్తున్న అహం - రీబూట్ సినిమా లేటెస్ట్ అప్ డేట్
టాలీవుడ్‌లో సుమంత్ (Sumanth) ప్రేమకథ, గోల్కొండ హైస్కూల్, సత్యం లాంటి గుర్తుండిపోయే సినిమాల్లో న‌టించారు. హిట్, ఫ్లాపుల‌తో సంబంధం లేకుండా త‌న‌కు న‌చ్చిన క‌థ‌ల‌తో ప్రేక్ష‌కుల ముందుకు వ‌స్తున్నారు. చాలా గ్యాప్ త‌ర్వాత అహం - రీబూట్ సినిమాలో సుమంత్ న‌టిస్తున్నారు. ఈ సినిమా బ్లాక్ బాస్ట‌ర్ హిట్ సాధించాల‌ని సుమంత్ ఫ్యాన్స్ కోరుకుంటున్నారు.
ప్ర‌శాంత్ సాగ‌ర్ అట్లూరి ద‌ర్శ‌క‌త్వంలో అహం - రీబూట్ తెర‌కెక్కుతోంది. ఈ సినిమాను వాయుపుత్ర ఎంటర్ టైన్ మెంట్స్, ఎస్ ఒరిజినల్స్ బ్యానర్లో రఘువీర్ గోరిపర్తి, సృజన్ యరబోలు సంయుక్తంగా నిర్మిస్తున్నారు.
ఆర్జేగా సుమంత్
అహం - రీబూట్ ఫస్ట్ లుక్ పోస్ట‌ర్‌ను ఇటీవలే రిలీజ్ చేశారు. ఆ పోస్ట‌ర్ ప్రేక్ష‌కుల‌ను మెప్పించింది. ఇప్పుడు సుమంత్ న‌టించిన అహం - రీబూట్ నుంచి ఫస్ట్ గ్లిట్చ్‌ను విడుదల చేశారు.
ఓ అమ్మాయి కిడ్నాప్‌కు సంబంధించిన స‌స్పెన్స్ ఆ వీడియోలో ఉంది. ఆ అమ్మాయిని ఆర్జే నిల‌య్ ఎలా ర‌క్షిస్తాడ‌నే క‌థ‌తో వీడియో సాగుతుంది. ఈ చిత్రానికి శ్రీరామ్‌ మద్దూరి సంగీతం అందిస్తున్నారు.
అడివి శేష్ చేతుల మీదుగా వీడియో రిలీజ్
మేజ‌ర్ హీరో అడివి శేష్ ఈ సినిమా ఫస్ట్ గ్లిట్చ్‌ను యూట్యూబ్‌లో రిలీజ్ చేశారు. సుమంత్ (Sumanth) ఆర్జే నిలయ్‌గా ఈ చిత్రంలో న‌టిస్తున్నారు. అహం రీబూట్ చిత్రం ప్రేక్ష‌కుల‌కు కొత్త క‌థ‌గా అనిపిస్తుంద‌ని ద‌ర్శ‌కుడు ప్ర‌శాంత్ సాగ‌ర్ అట్లూరి తెలిపారు.
అనుకోని సంఘ‌ట‌నలతో మ‌నిషిలోని కొత్త శ‌క్తులు బ‌య‌ట ప‌డ‌తాయ‌నే కథాంశంతో ఈ సినిమా తెరకెక్కుతుందని తెలిపారు. ఈ సినిమాలో థ్రిల్లింగ్ ఫ్యాక్టర్స్ చాలా ఉన్నాయని పేర్కొన్నారు. సుమంత్ (Sumanth) న‌ట‌న ఈ సినిమాకే హైలెట్ అన్నారు ద‌ర్శ‌కుడు ప్ర‌శాంత్ సాగ‌ర్.
Read More: సుమంత్(Sumanth) కొత్త సినిమా : ‘అహం రీబూట్’ ఫస్ట్ లుక్ విడుదల
