సుశాంత్ (Sushanth) ‘మా నీళ్ల ట్యాంక్’ వెబ్ సిరీస్‌తో పల్లెటూరి అమ్మాయిగా రీఎంట్రీ ఇస్తున్న ప్రియా ఆనంద్
సుశాంత్ (Sushanth).. నాగేశ్వరరావు మనుమడిగా ఇండస్ట్రీలోకి వచ్చారు. ఆ తర్వాత మాస్ సినిమాలు చేసి ప్రేక్షకులకు దగ్గరయ్యారు. కరెంట్‌సినిమాతో తనలోని నటనను మంచి మార్కులే వేయించుకున్నారు సుశాంత్. ఐకాన్ స్టార్ అల్లు అర్జున్ హీరోగా నటించిన ‘అల వైకుంఠపురములో’ సినిమాలో కీలక పాత్రలో నటించారు.
శేఖర్ కమ్ముల- రానా ద‌గ్గుబాటి కాంబినేష‌న్లో రూపొందిన లీడర్ సినిమా ద్వారా తెలుగు తెరకు పరిచయమైన బ్యూటీ ప్రియా ఆనంద్. ఆ సినిమాలో తన అందం, యాక్టింగ్ టాలెంట్ తో అందర్నీ ఆకర్షించింది ప్రియ. ఆ తర్వాత ఆమెకు చెప్పుకోదగ్గ స్ధాయిలో సినిమాలు హిట్ కాలేదు.
రామ రామ కృష్ణ కృష్ణ, కో అంటే కోటి, 180 సినిమాల్లో హీరోయిన్‌గా నటించినప్పటికా.. స్టార్ హీరోయిన్‌ స్టేటస్‌కు చేరుకోలేదు. దీంతో ఆమె తన ఫోకస్‌ మొత్తం తమిళ సినిమాలపై పెట్టారు. ఈ క్రమంలో పలు తమిళ సినిమాలతోపాటు కోలీవుడ్‌లో కూడా సినిమాలలో నటించారు ప్రియా ఆనంద్.
వెబ్ సిరీస్‌తో ఎంట్రీ..
ఇక చాలా కాలం తర్వాత తెలుగులోకి మరోసారి అడుగుపెట్టారు ప్రియా ఆనంద్. అయితే ఈసారి సినిమాతో పాటు.. ఓ వెబ్ సిరీస్‌తో ఎంట్రీ ఇస్తున్నారు. కొంత గ్యాప్ తర్వాత ఈ భామ చేసిన ఆ వెబ్ సిరీస్ పేరు ‘మా నీళ్ల ట్యాంక్’.
వ‌రుడు కావలెను సినిమాతో మంచి హిట్ సాధించిన లక్ష్మీ సౌజన్య దర్శకత్వంలో `మా నీళ్ల ట్యాంక్` అనే ఇంట్రెస్టింగ్ టైటిల్ తో ఈ వెబ్ సిరీస్ తెరకెక్కింది. ఒక చిన్న గ్రామంలో పనికిరాని వాటర్ ట్యాంక్ చుట్టూ నడిచే కథతో, సరదా సరదా సన్నివేశాలతో ఈ వెబ్ సిరీస్ తెరకెక్కింది. జీ5 సంస్థ నిర్మిస్తున్న ఈ చిత్రంలో సుశాంత్ సబ్‌ ఇన్‌ స్పెక్టర్‌గా నటిస్తుండగా, పల్లెటూరు అమ్మాయిగా ప్రియా ఆనంద్ కనిపిస్తోంది.
సుశాంత్ (Sushanth) హీరోగా తెరకెక్కిన ఈ వెబ్ సీరిస్‌ జూలై 15 నుంచి జీ 5లో స్ట్రీమింగ్‌ కాబోతోంది. మొత్తం 8 ఎపిసోడ్స్‌గా తెరకెక్కిన ఈ సిరీస్ టీజ‌ర్‌‌కు మంచి రెస్పాన్స్ వచ్చింది. ఈ వెబ్ సిరీస్ కోసం ప్రియా ఆనంద్ సొంతంగా డ‌బ్బింగ్ చెప్పారు కూడా.
