Tees maar khan: ఆది హీరోగా తెరకెక్కుతున్న 'తీస్ మార్ ఖాన్'లో సునీల్ (Actor Sunil) కీలక పాత్ర.. పోస్టర్ రిలీజ్

ఆది సాయి కుమార్ (Aadi sai kumar) హీరోగా పాయల్ రాజ్‌పుత్ హీరోయిన్‌గా తీస్ మార్ ఖాన్ (Tees maar khan) అనే సినిమా తెరకెక్కుతున్న సంగతి తెలిసిందే. ప్రొడక్షన్ నెంబర్ 3 గా విజన్ సినిమాస్ బ్యానర్ పై ప్రముఖ వ్యాపారవేత్త డా.నాగం తిరుపతి రెడ్డి ఈ సినిమాను ప్రతిష్టాత్మకంగా నిర్మిస్తున్నారు. ‘నాటకం’ ఫేమ్ కళ్యాణ్ జి గోగణ (Kalyanji Gogana) దర్శకత్వంలో ఈ చిత్రం తెరకెక్కుతోంది. 

'తీస్ మార్ ఖాన్' (Tees maar khan) ఆగస్ట్ 19న ప్రపంచవ్యాప్తంగా గ్రాండ్‌గా ఈ చిత్రాన్ని విడుదల చేసేందుకు మేకర్స్ సన్నాహాలు చేస్తున్నారు. సినిమా విడుదల తేదీ దగ్గర పడుతుండటంతోనే చిత్రయూనిట్ ప్రమోషన్ కార్యక్రమాలు పెంచేసింది. అందులో భాగంగానే ఇది వరకు విడుదల చేసిన పోస్టర్లు, టీజర్లు, పాటలు ప్రేక్షకులను మెప్పించాయి. ఈ నేపథ్యంలో తాజాగా సునీల్ పాత్రకు సంబంధించిన క్యారెక్టర్ పోస్టర్‌ను మేకర్లు విడుదల చేశారు.

తాజాగా ఈ మూవీ నుంచి అప్డేట్ వచ్చింది. ఈ సినిమాలో సునీల్ ఓ కీలక పాత్రలో కనిపించనున్నాడట. ఈ మేరకు ఆయన పాత్రకు సంబంధించిన పోస్టర్‌ను విడుదల చేశారు మేకర్లు. ఈ చిత్రంలో సునీల్‌ది ఇంపార్టెంట్ రోల్ అని తెలుస్తోంది. ఇక ఈ పోస్టర్‌లో సునీల్ సీరియస్ లుక్‌లో కనిపిస్తున్నాడు.

ఈ సినిమాలో సునీల్.. 'చక్రి' (Chakri) పాత్రలో  నటించబోతున్నట్లుగా తెలుపుతూ.. ఓ పోస్టర్‌ను విడుదల చేశారు. ఈ పోస్టర్‌లో సునీల్..  సీరియస్‌గా ఏదో తీవ్రంగా ఆలోచిస్తున్నట్టు కనిపిస్తున్నారు. అయితే, ఈ పిక్ చూస్తుంటే.. మరోసారి సునీల్ తన నట విశ్వరూపాన్ని చూపించబోతున్నట్లు అర్థమవుతోంది. కమెడియన్‌గా, హీరోగా, విలన్‌గా తెలుగు ప్రేక్షకులను మెప్పిస్తూ వస్తోన్న సునీల్.. ఈ సినిమా ద్వారా మరోసారి వినూత్న పాత్రతో ప్రేక్షకుల ముందుకు రాబోతున్నారు. 

'తీస్ మార్ ఖాన్' సినిమాలో స్టూడెంట్, రౌడీ, పోలీస్ గా మూడు వేరియేషన్స్ ఉన్న పాత్రలో ఆది సాయికుమార్ నటించడం ఈ సినిమాకు మేజర్ అసెట్ అని చెప్పవచ్చు. ఇక, ఈ చిత్రానికి సంగీతం సాయి కార్తీక్ అందించగా.. బాల్ రెడ్డి సినిమాటోగ్రఫీ చేశారు. మణికాంత్ ఎడిటర్ గా వ్యవహరించారు.

Read More: దుమ్ము రేపుతున్న హీరో ఆది 'తీస్‌మార్ ఖాన్' టీజర్.. పాయల్ రాజ్‌పుత్‌‌తో రొమాన్స్ అదుర్స్!