రామ్ పోతినేని (Ram Pothineni): “ది వారియర్” సినిమాలో దుమ్మురేపిన మన ఇస్మార్ట్ శంకర్
టాలీవుడ్ స్టైలిష్ హీరో రామ్ పోతినేని (Ram Pothineni) నటించిన కొత్త సినిమా "ది వారియర్ (The Warrior)". తాజాగా ఈ సినిమా టీజ‌ర్ రిలీజ్ అయింది. ఇందులో పోలీస్ ఆఫీస‌ర్‌గా రామ్ పోతినేని డైలాగులు చాలా పవర్ ఫుల్‌గా పేలాయి. ద‌ర్శ‌కుడు లింగుస్వామి త‌మిళ్, తెలుగు భాషలలో ఈ సినిమాను తెరకెక్కించారు.
ఇప్పటివరకూ రొమాంటిక్, మాస్ క‌థ‌ల‌తో మనల్ని అల‌రించిన రామ్ పోతినేని, "ది వారియర్" సినిమాలో సీరియ‌స్ రోల్ చేశారు. పోలీస్ ఆఫీస‌ర్‌గా ఆ పాత్రలో ఒదిగిపోయారు. "వీలైతే మారిపోండి.. లేదా పారిపోండంటూ" రౌడీల‌కు రామ్ ఇచ్చే వార్నింగ్ టీజ‌ర్‌లో బాగా ఆక‌ట్టుకుంది. "పాన్ ఇండియా రౌడీలంటూ" రామ్ పోతినేనితో చెప్పించిన డైలాగులు కూడా బాగా పేలాయి.
ప్రస్తుతం ఈ సినిమా టీజ‌ర్ ఇండియాలో టాప్‌లో ట్రెండ్ అవుతుంది. "ఉప్పెన" సినిమాతో క్రేజీ హీరోయిన్‌గా పేరు తెచ్చుకున్న కృతి శెట్టి రామ్‌కు జోడిగా ఈ చిత్రంలో న‌టించింది. ఇందులో కృతి శెట్టి ఒక వైవిధ్యమైన కథానాయిక పాత్రలో నటిస్తుండగా,. యంగ్ హీరో ఆది పినిశెట్టి విల‌న్‌గా న‌టిస్తున్నారు.
తొలుత ఈ సినిమా కథను నిర్మాతలు, అల్లు అర్జున్‌కి వినిపించారట. కానీ, బన్నీకి ఉన్న బిజీ షెడ్యూల్ కార‌ణంగా సినిమా ప‌ట్టాలెక్క‌లేదు. ఆ త‌ర్వాత "ది వారియర్ (The Warrior)" సినిమాలో రామ్ పోతినేని హీరోగా నటిస్తున్నారని అధికారిక ప్రకటన వెలువడింది.. శ్రీనివాస చిట్టూరి "ది వారియర్" సినిమాకు నిర్మాత‌గా వ్య‌వ‌హ‌రిస్తున్నారు. జూలై 14 వ తేదీన ఈ సినిమా విడుదల కానుంది.
