నేపాల్ వార్తా పత్రిక ఫ్రంట్ పేజీలో రామ్ చరణ్ (Ram Charan) ఫోటో.. నెట్టింట వైరల్ అవుతున్న చిత్రం
ఆర్ఆర్ఆర్ (RRR).. ఇప్పుడు ఎక్కడ చూసినా ఈ సినిమా గురించే చర్చ. కేజీఎఫ్ 2, ఆచార్య లాంటి పెద్ద సినిమాల పోటీని తట్టుకొని మరీ ఈ చిత్రం నిలబడింది. ఈ క్రమంలో కలెక్షన్లను కూడా స్టడీగానే మెయిన్ టైన్ చేస్తోంది. ఒక్క ఆదివారమే ఆర్ఆర్ఆర్ (RRR) కలెక్షన్లు రూ.కోటి రూపాయలు దాటాయంటే, ఎవరికైనా ఆశ్చర్యమే.
రామ్ చరణ్ (Ram Charan), జూనియర్ ఎన్టీఆర్ (Junior NTR) కథానాయకులుగా నటించిన ఈ చిత్రంలో.. అల్లూరి, కొమురం భీమ్ పాత్రలలో ఈ ఇద్దరు హీరోలూ ఒదిగిపోయారు. ముఖ్యంగా దర్శకుడు ఎస్ ఎస్ రాజమౌళి వారిని చూపించిన తీరుకి అభిమానులు ఫిదా అయిపోయారు. ప్యాన్ ఇండియా మూవీగా ఇప్పటికే ఉత్తరాదిలో కూడా సరికొత్త రికార్డులను నమోదు చేసింది RRR.
ఇటీవలే ఓ నేపాల్ వార్తా పత్రిక ఫ్రంట్ పేజీలో RRR ప్రస్తావన వచ్చింది. రామ్ చరణ్ (Ram Charan) ఫోటోని ముఖ చిత్రంగా ప్రచురించిన ఈ పత్రిక కాపీ ఇప్పుడు ఆన్‌లైన్‌లో హల్చల్ చేస్తోంది. చాలా మంది అభిమానులు ఈ పత్రిక ఫ్రంట్ పేజీని స్క్రీన్ షాట్ తీసి సోషల్ మీడియాలో షేర్ చేస్తున్నారు.
ఎస్ ఎస్ రాజమౌళి దర్శకత్వం వహించిన RRR చిత్రంలో అలీయా భట్, సముద్రఖని, అజయ్ దేవగన్ ముఖ్య పాత్రలు పోషించారు. డివివి దానయ్య నిర్మాతగా వ్యవహరించారు.
