రాక్షసుడు2 (Rakshasudu-2) సినిమా నుంచి కొత్త పోస్టర్ రిలీజ్? సీక్వెల్ కాదంటూ ట్యాగ్‌

‘అల్లుడు శ్రీను’ సినిమా త‌ర్వాత బెల్లంకొండ శ్రీనివాస్‌కు (Bellamkonda Srinivas) గుర్తింపు తెచ్చిపెట్టిన సినిమా ‘రాక్షసుడు’. త‌మిళంలో సూప‌ర్ హిట్‌ అయిన ‘రాట్‌ససన్’ చిత్రానికి రీమేక్‌గా తెర‌కెక్కిన ఈ చిత్రం 2019లో విడుద‌లై ఘ‌న విజయం సాధించింది. బెల్లంకొండ శ్రీనివాస్‌కు మొద‌టి క‌మ‌ర్షియ‌ల్ హిట్‌గా రాక్షసుడు సినిమా నిలిచింది. ఈ సినిమాతో శ్రీనివాస్‌ న‌టుడిగా త‌న‌ని తాను ప్రూవ్ చేసుకున్నారు. రాక్షసుడు సినిమాలో అనుపమా పరమేశ్వరన్ హీరోయిన్‌గా నటించారు.

ర‌మేష్ వ‌ర్మ ద‌ర్శక‌త్వం వ‌హించిన రాక్షసుడు సినిమా దాదాపు రూ. 23 కోట్లు క‌లెక్ట్‌ చేసి  సూప‌ర్ హిట్‌గా నిలిచింది. ఈ సినిమా స‌క్సెస్ మీట్‌లోనే సీక్వెల్ ఉంటుంద‌ని మేక‌ర్స్ ప్రక‌టించారు. ఇప్పటికే రాక్షసుడు2 (Rakshasudu-2) చిత్రం నుంచి విడుద‌లైన టైటిల్ పోస్టర్‌‌లు ప్రేక్షకుల‌ను విప‌రీతంగా ఆక‌ట్టుకున్నాయి. సోమ‌వారం దర్శకుడు ర‌మేష్ వ‌ర్మ పుట్టిన‌రోజు సంద‌ర్భంగా మేక‌ర్స్ కొత్త పోస్టర్‌ను విడుద‌ల చేశారు.

సీక్వెల్‌ కాదంటూ ట్యాగ్‌ లైన్..

‘ఇట్స్ నాట్ ఎ సీక్వెల్’ అంటూ రాక్షసుడు-2 కొత్త టైటిల్ పోస్టర్‌ను మేక‌ర్స్ విడుద‌ల చేశారు. ఈ చిత్రాన్ని తెలుగుతో పాటు హిందీ, త‌మిళ‌, మ‌ల‌యాళ భాష‌ల్లో తెర‌కెక్కిస్తున్నారు. త్వర‌లోనే రాక్షసుడు2 సినిమా షూటింగ్ మొదలుకానుంది.

కాగా ఈ సినిమాలో న‌టీన‌టుల గురించి ఇప్పటివ‌ర‌కు ఎటువంటి ప్రకటన వెలువడలేదు. గ‌తంలో విజ‌య్ సేతుప‌తి ఈ సీక్వెల్‌లో న‌టిస్తుస్తున్నారనే వార్తలు వచ్చాయి. అయితే ఆ వార్తలపై మేకర్స్‌ ఎటువంటి క్లారిటీ ఇవ్వలేదు. హావిష్ ప్రొడ‌క్షన్స్ బ్యాన‌ర్‌పై స‌త్య నారాయ‌ణ కోనేరు రాక్షసుడు2 (Rakshasudu-2) సినిమాను నిర్మిస్తున్నారు. జిబ్రాన్ సంగీతం అందిస్తున్న ఈ చిత్రానికి సింగ‌ర్ సాగ‌ర్ డైలాగ్స్ రాస్తున్నారు. ఈ సినిమాలో కూడా బెల్లంకొండ శ్రీనివాస్ (Bellamkonda Srinivas) హీరోగా నటిస్తున్నరా లేదా అనేది త్వరలోనే తెలియనుంది.

Read More : Anupama Parameswaran: నేరుగా ఓటీటీలో విడుదల కానున్న అనుప‌మ ప‌ర‌మేశ్వరన్‌ ‘బటర్‌‌ఫ్లై’ సినిమా? త్వరలో ప్రకటన