బోయపాటితో బాలయ్య (BalaKrishna) మరో సినిమా?
నటసింహం నందమూరి బాలకృష్ణ (BalaKrishna), మాస్ డైరెక్టర్ బోయపాటి శ్రీను (Boyapati Srinu) కాంబినేషన్లో సినిమా వస్తుందంటే తెలుగు ప్రేక్షకులకు పండగే. బాక్సాఫీస్ రికార్డుల్ని తిరగరాసే కాంబినేషన్ వీళ్లిద్దరిదీ. ఈ కాంబోలో వచ్చిన సింహా, లెజెండ్, అఖండ తిరుగులేని విజయం సాధించాయి. ముచ్చటగా మూడుసార్లు హిట్ కొట్టి హ్యాట్రిక్ కాంబోగా పేరొందిన బాలయ్య (BalaKrishna) –బోయపాటి (Boyapati Srinu) మరోసారి జట్టుకట్టనున్నట్లు తెలుస్తోంది. రెండేళ్ల పాండమిక్ని పారద్రోలేలా అఖండతో తెలుగు సినిమాకి పూర్వవైభవం తీసుకొచ్చిన ఈ కాంబో ఈసారి ఓ పొలిటికల్ డ్రామాతో ప్రేక్షకుల ముందుకు రానుందని సమాచారం.
అఖండ విజయంతో ఊపుమీదున్న బోయపాటి (Boyapati Srinu) ఓ పొలిటికల్ డ్రామా స్టోరీలైన్ వినిపించడంతో, బాలయ్య (BalaKrishna) వెంటనే గ్రీన్ సిగ్నల్ ఇచ్చారని ఇక సినిమా పట్టాలెక్కడమే ఆలస్యం అని సమాచారం. ఈ సినిమాని 14 రీల్స్ ప్లస్ పతాకంపై రామ్ ఆచంట, గోపీచంద్ ఆచంట నిర్మించనున్నారట. అంతేకాదు ఈ భారీ బడ్జెట్ మూవీని 2023లో ప్రారంభించి 2024 ఎన్నికల ముందు విడుదల చేసేలా ప్లాన్ చేస్తోందట చిత్రబృందం. త్వరలోనే ఈ చిత్రంపై క్లారిటీ వచ్చే అవకాశముందని తెలుస్తోంది. మాస్ మసాలా డైలాగులతో ప్రేక్షకులను ఉర్రూతలూగించే బాలయ్య (BalaKrishna) పొలిటికల్ పంచ్లతో ఎలా విరుచుకుపడతాడో చూడాలి మరి.
బాలకృష్ణ(BalaKrishna)–బోయపాటి కాంబినేషన్లో వచ్చిన మూడు సినిమాల్లోనూ బాలకృష్ణ ద్విపాత్రాభినయంతో ఆకట్టుకున్నారు. ముఖ్యంగా అఖండ పాత్రతో నటసింహం అని మరోసారి నిరూపించుకున్నారు. బాలయ్య నోట పలికించే బోయపాటి సంభాషణలకున్న క్రేజ్ అంతా ఇంతా కాదు. వీరిద్దరి కాంబినేషన్లో సినిమా రిలీజైందంటే చాలు చిన్నాపెద్దా తేడాలేకుండా అందరి నోటా కొన్నేళ్లపాటు ఆ డైలాగ్లు వినిపిస్తూనే ఉంటాయి.
బాలయ్య(BalaKrishna) డైలాగులతో కామెడీ బిట్లు, స్పూప్లు, మీమ్స్, జోక్స్ కోకొల్లలుగా పుట్టుకొస్తాయి. సినిమాని క్లాస్గా మొదలుపెట్టి మాస్గా ముగించే బోయపాటి పొలిటికల్ డ్రామాని ఎలా ముగిస్తాడో తెలియాలంటే ఇంకొన్నాళ్లు వెయిట్ చేయాల్సిందే.
కాగా, బాలకృష్ణ (BalaKrishna) ప్రస్తుతం దర్శకుడు గోపీచంద్ మలినేనితో ఓ సినిమా చేస్తున్నారు. అది పూర్తవగానే సెప్టెంబర్లో దర్శకుడు అనిల్ రావిపూడితో మరో చిత్రాన్ని ప్రారంభించనున్నారు. బోయపాటి కూడా ఎనర్జిటిక్ స్టార్ రామ్తో ఓ పాన్ ఇండియా సినిమా ప్లాన్ చేస్తున్నారు. వీరిద్దరూ కమిట్ అయిన చిత్రాలు పూర్తవగానే వీరి కాంబోలో చిత్రం ప్రారంభం కానుందని టాలీవుడ్ టాక్.
