పూర్తయిన విజయ్ దేవరకొండ (Vijay Devarakonda) ‘ఖుషి’ సినిమా ఫస్ట్ షెడ్యూల్.. ఫోటోలు షేర్ చేసిన చిత్ర యూనిట్

హీరో విజయ్ దేవరకొండ (Vijay Devarakonda), సమంత హీరోహీరోయిన్లుగా నటిస్తున్న ప్రేమకథా చిత్రం ‘ఖుషి’ . మైత్రీ మూవీ మేకర్స్ పతాకంపై శివ నిర్వాణ దర్శకత్వంలో ఈ సినిమా తెరకెక్కుతోంది. ‘మహానటి’ చిత్రం సూపర్ హిట్ తర్వాత విజయ్, సమంత ఈ మూవీలో మరోసారి జోడీ కడుతున్నారు. దీంతో ఈ సినిమాపై భారీ అంచనాలు నెలకొన్నాయి. సినిమాలో విజయ్‌ – సమంతల మధ్య వచ్చే సన్నివేశాలు అందంగా ఉంటాయని మేకర్స్ చెబుతున్నారు. దానికి తగ్గట్టుగానే ఈ సినిమా లొకేషన్స్‌ను సెలెక్ట్‌ చేస్తున్నారు మేకర్స్.

కొద్ది రోజుల క్రితమే పూజా కార్యక్రమం నిర్వహించిన ఈ సినిమా షూటింగ్‌ను రెగ్యులర్ షూటింగ్‌ మొదలు పెట్టింది చిత్ర బృందం. మొదటి షెడ్యూల్‌ను కాశ్మీర్‌లో మొదలుపెట్టారు. అక్కడే విజయ్, సామ్‌ల బర్త్ డే వేడుకలు కూడా జరిపారు. ఇక, తాజాగా ఈ సినిమా కాశ్మీర్ షెడ్యూల్ పూర్తయినట్టు ట్విట్టర్ వేదికగా మేకర్స్ వెల్లడించారు. ఈ సందర్భంగా చిత్రయూనిట్ అంతా దిగిన ఫోటోను షేర్ చేశారు. అలాగే రెండో షెడ్యూల్ అతి త్వరలోనే ప్రారంభించనున్నట్టు కానున్నట్టు తెలిపారు.

ఇంతకుముందు శివ నిర్వాణ తీసిన ‘నిన్నుకోరి’, ‘మజిలీ’ సినిమాల తరహాలో..  ఈ సినిమాలోనూ విజయ్, సామ్‌ల మధ్య సాగే ఎమోషనల్ సీన్లు ప్రేక్షకులకు చక్కటి అనుభూతినిస్తాయని చెబుతున్నారు మేకర్స్‌.  ‘అర్జున్ రెడ్డి’, ‘గీతగోవిందం’ వంటి డిఫరెంట్ ప్రేమకథా చిత్రాల్లో నటించిన విజయ్ దేవరకొండ (Vijay Devarakonda) ఈ సినిమాలో చాలా సెన్సిటివ్ పాత్రను పోషిస్తున్నాడట. సామ్ క్యారెక్టర్‌‌ కూడా ప్రేక్షకులను ఎంతగానో అలరిస్తుందని టాక్. ఈ సినిమాను డిసెంబర్ 23న విడుదల చేయనున్నట్టు మేకర్స్ ఇప్పటికే ప్రకటించారు.  హేషమ్ సంగీతం అందిస్తున్నాడు.