లైగర్ (Liger) సినిమా గురించి ఎవరికీ తెలియని ఆసక్తికర విషయాలు
విజయ్ దేవరకొండ (Vijay Devarakonda) హీరోగా, పూరీ జగన్నాథ్ దర్శకత్వంలో తెరకెక్కుతున్న లైగర్ సినిమా, ఆగస్టు నెలలో విడుదల అవుతున్న సంగతి తెలిసిందే. ఇప్పటికే విజయ్ ఫ్యాన్స్ ఈ సినిమా రిలీజ్ పట్ల యమ జోష్‌తో ఉన్నారు. అలాగే పూర్తి వైవిధ్యమైన కథనంతో ఈ చిత్రాన్ని దర్శకుడు తెరకెక్కించడం విశేషం. అయితే ఈ సినిమాకి సంబంధించి చాలా ఆసక్తికరమైన విషయాలు ఉన్నాయి. వాటి గురించి ఈ రోజు మీకు ఇదే మా ప్రత్యేక కథనం
లైగర్ చిత్రం తెలుగుతో పాటు, హిందీ భాషలో కూడా ఒకేసారి విడుదల కానుంది. ఈ చిత్రంతో విజయ్ దేవరకొండ బాలీవుడ్‌లోకి కూడా హీరోగా అడుగుపెడుతున్నాడు.
అలాగే స్టూడెంట్ ఆఫ్ ది ఇయర్ 2, పతీ పత్నీ ఔర్ ఓ లాంటి చిత్రాలతో హిందీలో తనకంటూ ఒక ఫ్యాన్ బేస్‌ను సొంతం చేసుకున్న అనన్య పాండే, ఈ చిత్రంతో టాలీవుడ్‌లోకి హీరోయిన్‌గా అడుగుపెట్టనుంది. ఈమె ప్రముఖ బాలీవుడ్ నటుడు చుంకీ పాండే కుమార్తె.
అంతర్జాతీయ బాక్సర్, లెజెండరీ స్పోర్ట్స్‌మన్ మైక్ టైసన్, ఈ సినిమాతో తొలిసారిగా ఇండియన్ తెరపై కనిపించనున్నారు. ఆయనకు హీరో కన్నా ఎక్కువ రెమ్యూనరేషన్‌ను నిర్మాతలు ఆఫర్ చేశారట.
ధర్మా ప్రొడక్షన్స్ అధినేత కరణ్ జోహార్, ఆయన తల్లి హీరూ యాష్ జోహార్ ఈ సినిమా హిందీ వెర్షన్‌కు నిర్మాతలుగా వ్యవహరిస్తున్నారు. అలాగే నటి ఛార్మి కౌర్ కూడా నిర్మాతలలో ఒకరు. పూరీ కనెక్ట్స్ సంస్థ ఈ సినిమాని తెలుగులో నిర్మిస్తోంది.
ఈ సినిమాలో హీరో మిక్స్‌డ్ మార్షల్ ఆర్ట్స్‌లో నిష్ణాతుడు. మహ్మద్ అలీ, బ్రూస్లీ లాంటి లెజెండ్స్ ఒకప్పుడు ఈ కళలో రాణించారు.
సర్కార్ రాజ్, రక్తచరిత్ర, ట్రాఫిక్, ది ఎటాక్స్ ఆఫ్ 26/11, రైడ్, రణ్ లాంటి హిందీ చిత్రాలకు డైలాగ్స్ రచించిన ప్రశాంత్ పాండే.. లైగర్ సినిమా బాలీవుడ్ వెర్షన్‌కి సంభాషణలు రాశారు. తెలుగు వెర్షన్‌కు మాత్రం దర్శకుడు పూరీయే డైలాగ్స్ రాశారు.
హిందీలో జీరో, శింబా, మిషన్ మంగళ్, సాహో, స్ట్రీట్ డ్యాన్సర్, భాగీ 3 లాంటి చిత్రాలకు సంగీతాన్ని అందించిన తనిష్క్ బగ్చి, ఈ సినిమాకి కూడా బాణీలు సమకూర్చారు.
ఎస్కేప్ ఫ్రమ్ ఉగాండా, సాల్ట్ మ్యాంగో ట్రీ లాంటి మలయాళ సినిమాలకు ఛాయాగ్రహణాన్ని అందించిన సినిమాటోగ్రాఫర్ విష్ఱు శర్మ.. ఈ చిత్రంలో కూడా తన కెమెరా పనితనాన్ని చూపించనున్నారు.
ఈ సినిమా తమిళ, మలయాళ, కన్నడ భాషలలో కూడా డబ్బింగ్ వెర్షన్‌గా రిలీజ్ కానుంది.
ఇంతకీ లైగర్ అనే పదానికి అర్థమేంటో తెలుసా! పాంథేరా లియో జాతికి చెందిన సింహానికి, పాంథేరా లియో జాతికి చెందిన పులికి జన్మించే ఓ హైబ్రిడ్ క్రూరజంతువు. చాలా శక్తిమంతమైన మృగం.
