ఎఫ్ 3 (F3) సినిమా ప్రమోషన్ : అభిమానులతో విక్టరీ వెంకటేష్
ఫన్ అండ్ ఫ్రస్టేషన్ అంటూ "ఎఫ్ 2" తో సంక్రాంతి అల్లుళ్లుగా వచ్చి హిట్ కొట్టిన విక్టరీ వెంకటేష్, వరుణ్ తేజ్.. ఈసారి "ఎఫ్ 3" తో ‘సమ్మర్ సోగ్గాళ్లు’గా రానున్నారు. ఆధునిక జంధ్యాలగా పేరు దక్కించుకున్న అనిల్ రావిపూడి ఈ సినిమాకి దర్శకుడు.
వేసవి కానుకగా మే 27న ప్రేక్షకుల ముందుకు రానున్న ఎఫ్ 3 ట్రైలర్ను ఇటీవలే చిత్రబృందం విడుదల చేసింది. ట్రైలర్‌లోని సన్నివేశాలు, నటీనటుల డైలాగ్స్‌ చూస్తే ‘ఎఫ్-2’తో పోలిస్తే ‘ఎఫ్-3’లో ఫన్ డోస్‌ మరింత పెరిగినట్లు అర్థమవుతోంది.
‘‘ప్రపంచానికి తెలిసిన పంచభూతాలు అయిదే. కానీ ఆరో భూతం ఒకటి ఉంది. అదే డబ్బు’’ అంటూ ఓ కొత్త సిద్ధాంతంతో ప్రేక్షకులను అలరించడానికి వచ్చేస్తున్న సినిమా F 3. ఈ సినిమాలో ఓ వైపు రేచీకటి వ్యక్తిగా వెంకీ.. నత్తి ఉన్న వ్యక్తిగా వరుణ్ ఇచ్చిన ఎంటర్‌టైన్‌మెంట్‌ పీక్స్‌లో ఉండబోతుందని టాక్.
ఇటీవలే ఈ సినిమా ప్రమోషన్ కార్యక్రమంలో నటుడు వెంకటేష్ సందడి చేశారు. అభిమానులతో కాసేపు ముచ్చటించారు.
