‘అశోక‌వ‌నంలో అర్జుణ క‌ల్యాణం’ సినిమాతో మంచి హిట్ అందుకున్నారు యంగ్ హీరో విశ్వక్‌సేన్ (Vishwak Sen). ఈ క్రేజీ యాక్టర్ ప్రస్తుతం యాక్షన్ కింగ్‌ అర్జున్ సర్జా ద‌ర్శక‌త్వంలో సినిమాలో నటిస్తున్నారు. విశ్వక్ సేన్ 11వ సినిమాగా తెరకెక్కుతున్న ఈ సినిమాలో అర్జున్ కూతురు ఐశ్వర్యా అర్జున్ హీరోయిన్‌గా నటిస్తున్నారు.
ఈ సినిమాకు సంబంధించిన ఇంట్రెస్టింగ్ అప్‌డేట్ ఒకటి తాజాగా బ‌య‌ట‌కు వ‌చ్చింది. ఇండియన్ సినిమా ఇండస్ట్రీలో భారీ హిట్ అందుకున్న కేజీఎఫ్ సినిమాకు మ్యూజిక్ అందించారు రవి బస్రూర్. అర్జున్ – విశ్వక్‌సేన్ కాంబినేషన్‌లో తెరకెక్కుతున్న సినిమా మ్యూజిక్ సిట్టింగ్స్‌కు రవి బస్రూర్ హాజరయ్యారు. ఈ సినిమాలోని పాటలకు మంచి ఫీల్‌ ఉన్న ట్యూన్స్‌ వచ్చాయని ఇండస్ట్రీ టాక్.
టాలీవుడ్‌కు కొత్త అందం..
విశ్వక్ సేన్, అర్జున్, రవి బస్రూర్ క‌లిసి దిగిన సెల్ఫీ ఒకటి నెట్టింట్లో హల్‌చల్‌ చేస్తోంది. ఈ సినిమాకు సాయిమాధవ్ బుర్రా మాటలు అందిస్తున్నారు. ఈ సినిమాతో అర్జున్ సర్జా కూతురు ఐశ్వర్యా అర్జున్ టాలీవుడ్‌కు పరిచయమవుతున్నారు.
అర్జున్ సొంత బ్యానర్‌ శ్రీరామ్‌ ఫిలిమ్స్‌ ఇంటర్నేషనల్‌పై సినిమాను తెరకెక్కిస్తున్నారు. ఈ సినిమాలో జగపతిబాబు కీలకపాత్రలో నటిస్తున్నారు. విశ్వక్‌సేన్ (Vishwak Sen) హీరోగా నటిస్తున్న మరో సినిమా ధమ్‌కీ షూటింగ్‌ కూడా ఇటీవలే థాయ్‌ల్యాండ్‌ షెడ్యూల్‌ పూర్తి చేసుకున్నారు.
Read More : మహేష్‌బాబు (MaheshBabu) ఫ్యాన్స్‌కు బర్త్‌డే గిఫ్ట్..థియేటర్లలో సందడి చేయనున్న ‘ఒక్కడు’ సినిమా!
Follow Us