జాతి ర‌త్నాలు సినిమాతో ఫరియా అబ్దుల్లా (Faria Abdullah) టాలీవుడ్‌లోకి ఎంట్రీ ఇచ్చారు. ఒక్క సినిమాతోనే ఫరియా పాపుల‌ర్ హీరోయిన్‌గా మారారు. కోలీవుడ్ డెబ్యూ మూవీ వ‌ల్లి మ‌యిల్ (Valli Mayil) లో విజ‌య్ అంటోనికి జోడిగా ఫరియా అబ్దుల్లా న‌టించ‌నున్నారు. ఈ సినిమాకు సుశీంద్ర‌న్ ద‌ర్శ‌క‌త్వం వ‌హిస్తున్నారు. సంప్ర‌దాయ లుక్‌లో ఫరియా అబ్ధుల్లా అద‌ర‌గొడుతున్నారు.
ప‌లు సినిమాలతో బిజీగా మారిన చిట్టి
జాతిరత్నాలు సినిమా త‌ర్వాత ఫరియా అబ్దుల్లా (Faria Abdullah) మోస్ట్ ఎలిజిబుల్ బ్యాచ్‌ల‌ర్ సినిమాలో న‌టించారు. ఆ త‌ర్వాత నాగార్జున, నాగ చైత‌న్య న‌టించిన బంగార్రాజులో ఫరియా స్పెషల్ సాంగ్ చేసి మెప్పించారు. వ‌ల్లి మెయిల్ సినిమాలో ఫరియా డిఫెరెంట్ రోల్‌లో క‌నిపించ‌నున్నారు. లేడీ ఒరియెంటెడ్ చిత్రాల్లో ఆరడుగుల ఈ బ్యూటీ న‌టించ‌నున్నారు.
బ‌ర్త్ డే స్పెషల్ పోస్ట‌ర్
ఫ‌రియాఅబ్దుల్లా పుట్టిన‌రోజు సంద‌ర్భంగా వ‌ల్లి మ‌యిల్ సినిమా ఫ‌స్ట్ లుక్ పోస్ట‌ర్ రిలీజ్ చేశారు. విజ‌య్ అంటోని హీరోగా ఈ సినిమాలో న‌టిస్తున్నారు. ఈ చిత్రంలో స‌త్య‌రాజ్‌, భార‌తీ రాజా కీల‌క పాత్ర‌ల్లో క‌నిపించ‌నున్నారు. 1980 సంవ‌త్స‌రానికి సంబంధించిన ఓ క‌థ‌తో ఈ చిత్రాన్ని తెర‌కెక్కిస్తున్నారు. త‌మిళ్‌తో పాటు తెలుగు, మ‌ల‌యాళం, క‌న్న‌డ, హిందీ భాష‌ల్లో ఈ సినిమా విడుద‌ల కానుంది.
రవితేజ హీరోగా న‌టిస్తున్న రావ‌ణాసుర సినిమాలో ఫరియా అబ్దుల్లా (Faria Abdullah) న‌టిస్తున్నారు. అలాగే యంగ్ హీరో సంతోష్ శోభన్‌తో నటించేందుకు కూడా ఓ సినిమాని సైన్ చేశారు. ఈసినిమాను మేర్లపాక గాంధీ తెరకెక్కించబోతున్నారు.
Follow Us