టాలీవుడ్ లేటెస్ట్ బ్లాక్ బస్టర్ మూవీ ‘కార్తికేయ-2’ త‌ర్వాత యంగ్ హీరో నిఖిల్ (Hero Nikhil), అనుప‌మ ప‌ర‌మేశ్వ‌ర‌న్ (Anupama Parameswaran) జంట‌గా నటిస్తున్న తాజా చిత్రం ‘18 పేజెస్’. ఈ చిత్రాన్ని జీఏ2 పిక్చ‌ర్స్‌, సుకుమార్ రైటింగ్స్ ప‌తాకాల‌పై బ‌న్నీవాసు నిర్మిస్తున్నారు. ‘కుమారి 21F’ సినిమా ఫేమ్ దర్శకుడు పల్నాటి సూర్యప్రతాప్ ఈ సినిమాను యూత్‌ఫుల్ సబ్జెక్ట్‌తో రూపొందించాడు. డైరెక్టర్ సుకుమార్ ఈ మూవీకి కథను అందిస్తున్నారు.
‘18 పేజెస్’ (18 Pages) ప్రీ రిలీజ్ ఈవెంట్‌ను డిసెంబ‌ర్ 19న హైద‌రాబాద్‌లో చిత్రయూనిట్ ఘనంగా నిర్వ‌హించ‌బోతోంది. ఇక, ఈ వేడుక‌కు టాలీవుడ్ ఐకాన్ స్టార్ అల్లు అర్జున్ ముఖ్య అతిథిగా హాజ‌రుకానున్న‌ట్లు చిత్ర యూనిట్ తెలిపింది. ఓ స్పెష‌ల్ వీడియో ద్వారా అల్లు అర్జున్ చీఫ్ గెస్ట్‌గా రాబోతున్న‌ట్లు అనౌన్స్ చేశారు.
డిఫ‌రెంట్ ల‌వ్ స్టోరీగా రూపొందుతోన్న ‘18 పేజెస్’ (18 Pages) సినిమా డిసెంబ‌ర్ 23న ప్రేక్షకుల ముందుకు రానుంది. ఈ చిత్రం నుంచి ఇదివరకే విడుదలైన ప్రచార చిత్రాలు, పాటలకు ప్రేక్షకుల నుంచి మంచి రెస్పాన్స్ వచ్చింది. ఇదిలా ఉంటే.. తాజాగా ఈ సినిమా సెన్సార్ పనులు పూర్తి చేసుకుంది. సెన్సార్ బోర్డు ఈ చిత్రానికి యూ/ఏ సర్టిఫికెట్ ఇచ్చింది. ఈ విషయాన్ని అఫిషియల్ గా పేర్కొంటూ చిత్రయూనిట్.. ఈ సినిమాకు జీరో కట్స్ తో సెన్సార్ పూర్తి అయ్యినట్టు పోస్టర్ తో రిలీజ్ చేశారు. దీంతో ప్రేక్షకులు ఈ సినిమాపై మరింత ఆసక్తిగా ఉన్నారు.
ఇదిలా ఉంటే.. ఈ చిత్రాన్ని దర్శకుడు పూర్తి రొమాంటిక్ ఎంటర్‌టైనర్‌గా తెరకెక్కించారు. ఇక ఈ సినిమాలో నిఖిల్ (Hero Nikhil), అనుపమల కాంబినేషన్ సినిమాకే హైలైట్‌గా ఉండబోతున్నట్లు చిత్ర యూనిట్ పేర్కొంది. వారి మధ్య వచ్చే రొమాంటిక్, ఎమోషనల్ సీన్స్ ప్రేక్షకులను ఆకట్టుకుంటాయని వారు చెబుతున్నారు.
Read More: నిఖిల్ (Nikhil) హీరోగా నటిస్తున్న ‘18 పేజెస్’ సినిమా రిలీజ్ డేట్‌ అనౌన్స్ చేసిన చిత్ర యూనిట్
Follow Us