తెలుగు సినీ ఇండస్ట్రీలో తెలుగు హీరోయిన్ గా పేరుపొందింది బ్యూటీ ఈషా రెబ్బా (Eesha Rebba). 2012లో శేఖర్ కమ్ముల దర్శకత్వంలో వచ్చిన ‘లైఫ్‌ ఇజ్‌ బ్యూటీఫుల్‌’ చిత్రంతో.. క్యారెక్టర్‌ ఆర్టిస్ట్ గా వెండి తెరకు పరిచయమైంది. ఆ తరువాత హీరోయిన్‌గా మంచి పేరు తెచ్చుకునే ప్రయత్నం చేసింది ఇషా రెబ్బా.
సుమంత్ అశ్విన్ హీరోగా నటించిన ‘అంతకు ముందు ఆ తర్వాత’ (Anthaku Mundu aa Taruvatha) సినిమాతో ఈషా రెబ్బా ఫుల్ లెంగ్త్ హీరోయిన్ గా పరిచయమైంది. హీరోయిన్ గా చేసిన మొదటి సినిమాతోనే సూపర్ హిట్ ను అందుకుంది ఈ బ్యూటీ.
'బందిపోటు', 'అమీ తుమీ', 'మాయా మాల్', 'దర్శకుడు', 'సుబ్రహ్మణ్యపురం', 'బ్రాండ్ బాబు', 'అ!', 'అరవింద సమేత వీరరాఘవ', 'రాగల 24 గంటల్లో' వంటి సినిమాల్లో నటించింది. అయితే, అందంతో పాటు అభినయం కలబోసిన ఈషా రెబ్బాకు (Eesha Rebba) ఆశించిన స్థాయిలో క్రేజీ ఆఫర్స్ మాత్రం రాలేదనే చెప్పాలి.
ఈ మధ్య కాలంలో 'పిట్టకథలు' అనే వెబ్ సిరీస్ ద్వారా ఓటీటీలో అడుగుపెట్టిన ఈ బ్యూటీ.. '3 రోజేస్' (3 Roses) సిరీస్ తో మంచి గుర్తింపు తెచ్చుకుంది. మరోవైపు సోషల్ మీడియాలోనూ ఫుల్ యాక్టివ్ గా ఉండే ఈ ముద్దుగుమ్మ.. తన హాట్ హాట్ ఫొటో షూట్స్ తో నెట్టింట రచ్చ చేస్తోంది. ఈ క్రమంలో తమిళ, మలయాళ, కన్నడ ఆఫర్లు అందుకుంటున్న ఈ తెలుగందం.. ప్రస్తుతం మన పొరుగు ఇండస్ట్రీలలో అదృష్టాన్ని పరీక్షించుకునే పనిలో ఉంది.
ఇదిలా ఉంటే.. ఈషా రెబ్బా (Eesha Rebba) ప్రస్తుతం ఓ తమిళ డైరెక్టర్ తో ప్రేమలో ఉందని త్వరలో అతన్ని వివాహం చేసుకోబోతుందనే వార్త ఇప్పుడు సోషల్ మీడియాలో బాగా వినిపిస్తోంది. తన అందంతో తెలుగు ప్రేక్షకులను కట్టిపడేసిన ఈ బ్యూటీ.. అదే అదంతో ఓ తమిళ్ యంగ్ డైరెక్టర్ ను ఫిదా చేశారట. ఫిదా చేయడమే కాదు.. రీసెంట్‌ గా తను చేసిన ప్రపోజ్‌కు ఓకే చెప్పి పెళ్లి పీటలెక్కేందుకు రెడీ అయిపోతున్నారట.
మరోవైపు.. ఇప్పటికే వీరి ప్రేమను వారి కుటుంబాలు కూడా అంగీకరించినట్లు తెలుస్తోంది. దీంతో త్వరలోనే పెళ్లి ఏర్పాట్లు కూడా చేయనున్నారని తమిళ మీడియాలో వార్తలు కోడై కూస్తున్నాయి. ఒకవేళ ఇదే నిజమైతే గనుక మన తెలుగింటి అమ్మాయి తమిళ ఇంటి కోడలు కావడం ఖాయమన్న మాట. కాగా, ప్రస్తుతం ఈ అమ్మడు కన్నడలో 'ఎస్ఆర్కె' అనే సినిమాలో నటిస్తోంది.
Read More: ‘యశోద’(Yashoda) సినిమా నుంచి సమంత (Samantha) ఇంటెన్స్ పోస్టర్ రిలీజ్.. సెప్టెంబర్ 9న టీజర్!
Follow Us