Ranga Ranga Vaibhavanga: టాలీవుడ్ మెగా హీరో వైష్ణవ్ తేజ్ (Vaisshnav Tej) న‌టించిన 'రంగ రంగ వైభవంగా' సినిమా నుంచి టైటిల్ సాంగ్‌ను మేక‌ర్స్ రిలీజ్ చేశారు. 'రంగ రంగ వైభవంగా' సినిమా ఫ్యామిలీ ఎంట‌ర్‌టైన్‌గా తెర‌కెక్కింది. ఈ సినిమాకు 'అర్జున్ రెడ్డి' త‌మిళ వెర్ష‌న్ తెర‌కెక్కించిన గిరీసాయ ద‌ర్శ‌క‌త్వం వ‌హించారు. ఈ చిత్రాన్ని శ్రీ వెంక‌టేశ్వ‌ర సినీ చిత్ర బ్యాన‌ర్‌పై బీవీఎస్ఎన్ ప్రసాద్ తెర‌కెక్కిస్తున్నారు.
స‌ర‌దాగా సాగిన టైటిల్ సాంగ్
'రంగ రంగ వైభవంగా' సినిమా సెప్టెంబ‌ర్ 2న థియేట‌ర్ల‌లో విడుద‌ల కానుంది. అవుతుంది. ఈ చిత్ర ప్ర‌మోష‌న్స్‌లో భాగంగా మేక‌ర్స్ టైటిల్ సాంగ్ లిరిక‌ల్ వీడియోను విడుద‌ల చేశారు. వెడ్డింగ్ పార్టీ సాంగ్ 'రంగ రంగ వైభవంగా' లిరిక్స్‌తో స‌ర‌దాగా సాగింది. రోల్ రైడా రాసిన ఈ పాట‌ను సాగ‌ర్, శ్రీనిష జే పాడారు. ఈ సినిమాకు దేవిశ్రీ ప్రసాద్ సంగీతాన్ని సమకూర్చారు.
మామ‌య్య ప‌వ‌న్ క‌ల్యాణ్ పుట్టిన రోజున అల్లుడు వైష్ణవ్ తేజ్ (Vaisshnav Tej) న‌టించిన 'రంగ రంగ వైభవంగా' సినిమా విడుద‌ల అవ‌డం విశేషం. 'ఉప్పెన', 'కొండ పొలం' సినిమాల‌తో అద‌ర‌గొట్టిన వైష్ణవ్ తేజ్ ఈ సినిమాతో బ్లాక్ బాస్ట‌ర్ హిట్ సాధించాల‌నుకుంటున్నారు. ఫ్లాపుల‌తో డీలా ప‌డిన కేతిక శ‌ర్మ కూడా స‌క్సెస్ కోసం ఎదురు చూస్తున్నారు.
Follow Us