ఆర్ఆర్ఆర్ సినిమా తర్వాత మెగాపవర్‌‌స్టార్ రాంచరణ్ (RamCharan) నటిస్తున్న సినిమా ‘ఆర్సీ15’ అనే వర్కింగ్‌ టైటిల్‌తో తెరకెక్కుతోంది. శంకర్ డైరెక్షన్‌లో తెరకెక్కుతున్న ఈ సినిమాకు పలు టైటిల్స్ పరిశీలనలో ఉన్నా ఏదీ ఖరారు చేయలేదు. ఆర్ఆర్ఆర్ వంటి భారీ హిట్ తర్వాత చరణ్ నటిస్తున్న సినిమా కావడంతో ఈ సినిమాపై అభిమానుల్లో భారీ అంచనాలు నెలకొన్నాయి. తాజాగా ఆర్సీ15కు సంబంధించి వార్త ఒకటి వైరల్ అవుతోంది. ఈ సినిమా నాన్ థియేట్రికల్ రైట్స్‌కు భారీ ధర పలికినట్లు తెలుస్తోంది.
రాంచరణ్ – శంకర్ దర్శకత్వంలో తెరకెక్కుతున్న ఈ సినిమాను నిర్మాత దిల్ రాజు భారీ బడ్జెట్‌తో నిర్మిస్తున్నారు. చరణ్ సరసన కియారా అద్వానీ హీరోయిన్‌గా నటిస్తున్నారు. ఈ సినిమాకు సంబంధించి బయటకొస్తున్న అప్‌డేట్స్ మెగా అభిమానులకు కిక్ ఇస్తున్నాయి.
ఇంతకు మించే..
ఆర్సీ15 సినిమా నాన్ థియేట్రికల్ హక్కులకు సంబంధించిన ఒక ఇంట్రెస్టింగ్ బజ్ బయటికి వచ్చింది. ఈ టాక్ ప్రకారం సినిమా నాన్ థియేట్రికల్ హక్కులకు రూ.200 కోట్లు పలికినట్టుగా తెలుస్తోంది. థియేట్రికల్ బిజినెస్ కూడా ఇంతకు మించే జరిగే చాన్స్ ఉన్నట్టు తెలుస్తోంది. ప్రస్తుతానికి ఆ విషయాలకు సంబంధించిన వార్తలు ఏవీ బయటకు రాలేదు. చరణ్ – శంకర్ కాంబినేషన్‌లో తెరకెక్కుతున్న ఈ సినిమాకు ఎస్‌ఎస్‌ థమన్‌ సంగీతం అందిస్తున్నారు. దిల్ రాజు బ్యానర్‌‌లో 50వ సినిమాగా ఆర్సీ15 తెరకెక్కుతోంది.
ఔట్ అండ్ ఔట్ పొలిటికల్ థ్రిల్లర్ మూవీగా నిర్మిస్తున్న ఈ సినిమాలో రెండు విభిన్న పాత్రల్లో రాంచరణ్ కనిపించనున్నారని సమాచారం. గుబురు గడ్డం, కళ్ల జోడుతో సరికొత్త లుక్‌లో కనిపిస్తున్నారు చరణ్. ఈ సినిమాకు విశ్వంభర, సర్కారోడు, అధికారి లాంటి టైటిల్స్ పరిశీలనలో ఉన్నట్టు సమాచారం. ఎలక్షన్ కమీషనర్‌గా రాంచరణ్ (RamCharan) నటిస్తున్నారని టాక్.
Read More : జేమ్స్‌బాండ్‌గా హాలీవుడ్‌కి మెగా పవర్‌‌స్టార్‌ రాంచరణ్ (RamCharan).. ఆనందంలో మెగా అభిమానులు!
Follow Us