God Father: టాలీవుడ్ హీరో మెగాస్టార్ చిరంజీవి (Chiranjeevi) న‌టించిన 'గాడ్ఫాదర్' విడుద‌ల‌కు సిద్ధంగా ఉంది. త‌మిళ స్టార్ ద‌ర్శ‌కుడు మోహ‌న్ రాజా ద‌ర్శ‌క‌త్వంలో తెర‌కెక్కుతున్న 'గాడ్ ఫాదర్' అక్టోబ‌ర్ 5 న ప్ర‌పంచ వ్యాప్తంగా రిలీజ్ కానుంది. ఈ సినిమాకు సంబంధించిన కొత్త అప్‌డేట్స్‌ను మేక‌ర్స్ ప్ర‌క‌టించారు. అంతేకాకుండా చిరంజీవి కొత్త లుక్ పోస్ట‌ర్‌ను రిలీజ్ చేశారు. చిరంజీవి స్టైలిష్ లుక్ అద‌ర‌హో అంటున్నారు మెగా అభిమానులు.
'గాడ్ఫాదర్' సినిమా సెన్సార్ పూర్త‌యింద‌ని మేక‌ర్స్ ప్ర‌క‌టించారు. ఈ నేప‌థ్యంలో చిరంజీవికి సంబంధించిన పోస్ట‌ర్‌ను రిలీజ్ చేశారు. చిరంజీవి (Chiranjeevi) పంచెక‌ట్టులో క‌నిపించి స‌ర్‌ప్రైజ్ చేశారు. ‘యు/ఎ’ స‌ర్టిఫికేట్ కూడా పొందామ‌ని చిత్ర ద‌ర్శ‌కుడు మోహ‌న్ రాజా త‌న సోష‌ల్ మీడియాలో తెలిపారు. ఈ సినిమాను చూసిన సెన్సార్ స‌భ్యులు అభినందించార‌న్నారు. 'గాడ్ఫాదర్' సినిమాను ప్రేక్ష‌కులు చూసి బ్లాక్ బాస్ట‌ర్ హిట్ చేయాల‌ని కోరారు.
ఓ రేంజ్‌లో న‌య‌న్ పాత్ర
మలయాళ చిత్రం 'లూసిఫర్‌'కు రీమేక్‌గా 'గాడ్ ఫాదర్' తెరకెక్కుతోంది. 'గాడ్ఫాదర్'లో సాత్ స్టార్ హీరోయిన్ న‌య‌న‌తార కూడా న‌టించడం విశేషం. ఈ సినిమాలో న‌య‌న‌తార ఫ‌స్ట్ లుక్‌ను ఇటీవలే మేక‌ర్స్ రిలీజ్ చేశారు. 'సైరా'లో చిరంజీవి (Chiranjeevi) సతీమణిగా న‌టించిన న‌య‌న‌తార.. 'గాడ్ ఫాదర్'లో ఆయనకు చెల్లెలుగా న‌టిస్తున్నారు.ఈ సినిమాలో 'స‌త్య‌ప్రియ జ‌య‌దేవ్' పాత్ర‌లో న‌య‌న్ క‌నిపించ‌నున్నారు.
Follow Us