టాలీవుడ్ మన్మధుడు అక్కినేని నాగార్జున హీరోగా నటిస్తోన్న తాజా చిత్రం 'ది ఘోస్ట్'. 'బంగార్రాజు' త‌ర్వాత నాగార్జున (Akkineni Nagarjuna) హీరోగా ఈ చిత్రంలో న‌టిస్తున్నారు. స్పై థ్రిల్లర్ క‌థాంశంతో రూపొందుతున్న ఈ చిత్రానికి ప్ర‌వీణ్ స‌త్తారు ద‌ర్శ‌క‌త్వం వ‌హిస్తున్నారు. తాజాగా ఈ చిత్రం నుండి కిల్లింగ్ మెషిన్ గ్లింప్స్‌ని రిలీజ్ చేశారు.
నాగార్జున లుక్ అదుర్స్
కిల్లింగ్ మెషిన్ గ్లింప్స్ లో (The Ghost Glimps) హీరో నాగార్జున, తనపైకి వచ్చిన ఓ గుంపుని కత్తులతో తెగ నరకడం చాలా స్టైలిష్ గా, యాక్షన్ ప్యాక్డ్ గా వుంది. ఇందులో నాగార్జున చాలా ఫిరోషియస్ అండ్ టెర్రిఫిక్‌గా కనిపించారు.
సంగీతం నెక్స్ట్ లెవెల్‌లో ఉంది
యువ సంగీత దర్శకులు భరత్ - సౌరభ్ ఇచ్చిన బ్యాక్ గ్రౌండ్ మ్యూజిక్, ఈ గ్లింప్స్‌ని నెక్స్ట్ లెవెల్‌కి తీసుకు వెళ్ళింది. ఈ వీడియో 'ది ఘోస్ట్' సినిమాపై ఉన్న అంచనాలను అమాంతం పెంచేసింది.
సోనాల్ చౌహాన్ కథానాయికగా
'ది ఘోస్ట్' చిత్రంలో సోనాల్ చౌహాన్ (Sonal Chouhan) కథానాయికగా నటిస్తోంది. ప్రెగ్నెన్సీ కారణంగా కాజల్ వైదొలగడంతో, ఆమె స్థానంలో సోనాల్ చౌహా‌న్‌ను తీసుకున్నారు. ఈ చిత్రంలో నాగ్, సోనాల్ ఇద్దరూ ఇంటర్‌పోల్‌ ఆఫీసర్స్‌ పాత్రల్లో కనిపించనున్నారు. అలాగే అనిఖా సురేంద్రన్, గుల్‌ పనాగ్‌ ముఖ్య పాత్రల్లో అలరించనున్నారు.
రిలీజ్ డేట్ ఇదే
ఈ సినిమా రిలీజ్ డేట్‌ను తాజాగా ప్రకటించారు. అక్టోబర్ 5న వరల్డ్ వైడ్‌గా థియేటర్లలో ఈ సినిమాను విడుదల చేయబోతున్నట్లు వెల్లడించారు.
పుకార్లకు చెక్ పెట్టిన నాగ్
ఈ సినిమాను ఓటీటీలో రిలీజ్ చేయబోతున్నట్లు కొన్నాళ్లుగా వార్త‌లు వినిపిస్తున్నాయి. కానీ శ‌నివారం జ‌రిగిన ప్రమోషనల్ ఈవెంట్‌లో (The Ghost Movie Promotional Event) రిలీజ్ డేట్ ను ప్రకటించి, ఈ పుకార్లకు పుల్ స్టాప్ పెట్టారు.
శివ విడుదలైన రోజున..
నాగార్జున కల్ట్ క్లాసిక్, పాత్ బ్రేకింగ్ మూవీ 'శివ' కూడా 1989లో అదే తేదీన విడుదల కావడం విశేషం. ఈ సందర్భంగా ఏర్పాటు చేసిన మీడియా సమావేశంలో నాగార్జునతో పాటు నిర్మాతలు సునీల్ నారంగ్, రామ్ మోహన్ రావు, శరత్ మరార్.. నటులు మహేంద్ర, క్రిష్, రవి వర్మ పాల్గొన్నారు.
Read More: Akkineni Nagarjuna: టాలీవుడ్ 'కింగ్' అక్కినేని నాగార్జున కెరీర్ లో టాప్ 10 సినిమాలివే..!
Follow Us