పారిస్ వెకేష‌న్ నుంచి తిరిగొచ్చిన సూప‌ర్ స్టార్ (Mahesh Babu) ఫ్యామిలీ.. ఇక నుంచి ప్ర‌మోష‌న్ల‌లో బిజీ!

టాలీవుడ్ సూప‌ర్ స్టార్ మ‌హేష్ బాబు (Mahesh Babu) అటు సినిమాలు ఇటు కుటుంబానికి త‌గినంత‌ ప్రాముఖ్య‌త ఇస్తార‌నే విష‌యం తెలిసిందే. ఈ నేప‌థ్యంలో ఇటీవ‌లే ఆయ‌న తాజా సినిమా స‌ర్కారు వారి పాట మూవీ షూటింగ్ పూర్తి చేసుకున్న మ‌హేష్ బాబు ఫ్యామిలీతో స‌హా పారిస్ ట్రిప్ కి వెళ్లిన విష‌యం తెలిసిందే. అక్క‌డ కుటుంబంతో ఫుల్‌గా ఎంజాయ్ చేసిన మ‌హేష్ అండ్ తాజాగా త‌న హోమ్ టైన్ హైద‌రాబాద్‌లోకి అడుగు పెట్టింది. ఈ క్ర‌మంలో ఆయ‌న ఫ్యామిలీ మెంబ‌ర్స్ ఎయిర్ పోర్టులో మీడియా కంట‌ప‌డ్డారు. అంద‌రూ మాస్క్‌ల‌లో క‌నిపించారు. కాగా, ఆ ఫొటోల్లో మ‌హేష్ భార్య న‌మ్ర‌త శిరోద్క‌ర్, కూతురు సితార‌, కుమారుడు గౌత‌మ్ ఉన్నారు.

ఇక‌, రేప‌టి నుంచి మ‌హేష్ బాబు స‌ర్కారు వారి పాట సినిమా ప్ర‌మోష‌న్స్‌లో పాల్గొన‌నున్న‌ట్లు తెలుస్తోంది. ఈ క్ర‌మంలో ఆయ‌న త‌న తాజా సినిమాకి సంబంధించి అనేక ఆస‌క్తిక‌ర విష‌యాలు పంచుకోనున్నారు. ఇక ప్రీ రిలీజ్ ఈవెంట్ మే 7న జ‌ర‌గ‌నుంది. ఈ ఈవెంట్‌కు ప‌వ‌ర్ స్టార్ ప‌వ‌న్ క‌ళ్యాణ్ ముఖ్య అతిథిగా హాజ‌రు కాబోతున్నట్లు స‌మాచారం. ఇదిలా ఉంటే.. సూపర్ స్టార్ మహేష్ బాబు నటిస్తున్న ‘సర్కారు వారి పాట’ (Sarkaruvari pata) సినిమా కోసం ఆయ‌న‌ అభిమానులంతా ఎంతో ఆతృతగా ఎదురు చూస్తున్న సంగ‌తి తెలిసిందే. 

ఈ త‌రుణంలో ఈ సినిమా మే 12న ప్ర‌పంచ‌వ్యాప్తంగా థియేటర్లలోకి రానుంది. దీంతో  సినిమా ప్రమోషన్లను మొద‌లు పెట్టేముందే ఆయ‌న త‌న‌ ఫ్యామిలీ తో కలిసి ప్యారిస్‌లో చిన్నపాటి వెకేషన్ ను ప్లాన్ చేశారు. ఇందులో భాగంగానే ఆయ‌న‌ తన భార్య పిల్లలతో కలిసి అక్క‌డి అందమైన ప్రదేశాలను సందర్శించారు. ఇక‌, ఇటీవ‌ల ఈ సూప‌ర్ స్టార్ తాజా సినిమా సర్కారు వారి పాట నుంచి ట్రైలర్ (Trailer) రిలీజైన సంగ‌తి తెలిసిందే. తాజాగా విడుదలైన ఈ ట్రైల‌ర్ కు మంచి రెస్పాన్స్ వచ్చింది. యూట్యూబ్ లో వ్యూస్ ప‌రంగా రికార్డుల దుమ్ము దులుపుతోంది. సోషల్ మీడియాలో నెంబర్ వన్ ట్రెండింగ్‌లో కొనసాగుతోంది. కాగా, ఈ సినిమా విడుదలకు మరో 7 రోజులు మాత్రమే మిగిలి ఉంది.

తాజాగా ఈ సినిమా యూఎస్‌లోనూ మరో రికార్డు క్రియేట్ చేస్తోంది. అక్కడ 603 థియేట‌ర్ల‌లో విడుదల కాబోతున్నట్టు తెలుస్తోంది. పాన్ ఇండియా సినిమాలు కాకుండా తెలుగు భాష‌లో మాత్ర‌మే చేసిన‌ ఓ సినిమా ఈ రేంజ్‌లో ఇన్ని లోకేషన్స్‌లో విడుదల కావడం ఇదే తొలిసారి కావ‌డం విశేషం. దీంతో సూప‌ర్ స్టార్ అభిమానులు ఆనందం వ్యక్తం చేస్తున్నారు.