1 / 6
మేజర్ మూవీ టీమ్ తో మహేష్ బాబు (Mahesh babu with Major Movie Team)
Major Movie: టాలీవుడ్ యంగ్ హీరో అడవి శేష్ నటించిన లేటెస్ట్ చిత్రం 'మేజర్'. 26/11 ముంబై దాడుల్లో వీరోచితంగా పోరాడి ప్రాణాలు అర్పించిన రియల్ హీరో సందీప్ ఉన్నికృష్ణన్ జీవిత కథ ఆధారంగా ఈ సినిమా తెరకెక్కింది. ఈ చిత్రం ఇటీవల థియేటర్స్ లో విడుదలయి ఎమోషనల్ కంటెంట్ తో ప్రేక్షకులను కట్టిపడేస్తోంది. ఆద్యంతం ఆసక్తికరంగా సాగిన ఈ చిత్రాన్ని చూసిన వారందరూ అద్భుతం అనే పదాన్ని వాడకుండా ఉండలేకపోతున్నారు. కాగా, మేజర్ సినిమాకి గూడచారి ఫేమ్ దర్శకుడు శశికిరణ్ తిక్క దర్శకత్వం వహించారు. ఈ చిత్రానికి హీరోయిన్ సయీ మంజ్రేకర్ తప్ప మిగతా టీమ్ మొత్తం గూడచారి టీమ్ పనిచేశారు.
Photo Credit :
Pinkvilla
2 / 6
మేజర్ మూవీ టీమ్ తో మహేష్ బాబు (Mahesh babu with Major Movie Team)
కాగా, సినిమాలో ప్రధాన పాత్రలో అడవి శేష్ నట విశ్వరూపం చూపించాడు. ప్రకాష్ రాజు ఇంకా చాలా మంది ప్రధాన తారాగణంగా నటించిన ఈ సినిమా అందరినీ ఆకట్టుకుంది. దేశభక్తి నేపథ్యంలో… జవాన్ కుటుంబాల భావోద్వేగాలను కళ్ళకు కట్టినట్లుగా.. వెండితెరపై దర్శకుడు శశికిరణ్ అద్భుతం గా చూపించడం జరిగింది. మేజర్ క్లైమాక్స్ చూసిన చాలామంది కంటతడి పెట్టారు. సామాన్యులు మొదలుకొని సెలబ్రిటీలు అందరూ మేజర్ సినిమా విజయం మాత్రమే కాకుండా దేశం కోసం పని చేస్తున్న జవాన్ కుటుంబాలకు గౌరవం తెచ్చిన సినిమా అని కితాబిస్తున్నారు.
Photo Credit :
Pinkvilla
3 / 6
మేజర్ మూవీ టీమ్ తో మహేష్ బాబు (Mahesh babu with Major Movie Team)
ఇదిలా ఉంటే.. ఈ చిత్రం కోసం మహేష్ బాబు ఎంత ఇన్వెస్ట్మెంట్ చేశాడనే టాక్ సోషల్ మీడియాలో హాట్ టాపిక్ గా మారింది. సూపర్ స్టార్ మహేష్ బాబు ఎంబీ క్రియేషన్స్ మొదలుపెట్టి చాలా సంవత్సరాలే అయింది. మహేష్ తన సినిమాలకు సహ నిర్మాణ సంస్థగా ఎంబీ క్రియేషన్స్ ను జోడిస్తున్నారు.
అంతేకాని ఇప్పటివరకు బయట హీరోలతో సినిమాలను చేసింది లేదు. ఇప్పుడు మొదటి సారి ఓ పెద్ద బడ్జెట్ తో సినిమా చేయడం అందరి దృష్టిని ఆకర్షించింది. భారీ అంచనాల నడుమ మేజర్ సినిమాను మహేష్ బాబు నిర్మించిన విషయం తెలిసిందే.
Photo Credit :
Pinkvilla
4 / 6
మేజర్ మూవీ టీమ్ తో మహేష్ బాబు (Mahesh babu with Major Movie Team)
సోనీ ఎంటర్టైన్మెంట్ కలిసి మహేష్ బాబు ఈ చిత్రాన్ని నిర్మించారు. ఈ సినిమా నిర్మాణం విషయం ప్రస్తుతం సోషల్ మీడియాలో చర్చనీయాంశం గా మారింది. మేజర్ సినిమాకు మహేష్ బాబు నిర్మాణ సంస్థ యొక్క భాగస్వామ్యం ఎంత ఉంటుంది అనేది చాలా మంది ప్రశ్న. మేజర్ సినిమాలో మహేష్ బాబు 60శాతం పెట్టుబడి పెట్టారు అనేది టాలీవుడ్ వర్గాల్లో వినిపిస్తున్న సమాచారం. మరోవైపు మేజర్ సినిమాకు మహేష్ బ్రాండ్ ను జోడించి ప్రమోషన్స్ తో హోరెత్తిస్తున్నారు. ఇటీవల మేజర్ సినిమా టికెట్ల కోసం మహేష్ బాబు క్యూలైన్లో నుంచుని చేసిన వీడియో వైరల్ అయింది.
Photo Credit :
Pinkvilla
5 / 6
మేజర్ మూవీ టీమ్ తో మహేష్ బాబు (Mahesh babu with Major Movie Team)
మహేష్ బాబు ఒక నిర్ణయం తీసుకుంటే దాని వెనుక చాలా పెద్ద ఆలోచనే ఉంటుంది. ఈ సినిమా హిట్ అవడానికి గూడచారి టీమ్ కూడా ఒక కారణం కావచ్చు. ఈ సినిమాపై సామాన్య ప్రేక్షకులే కాదు.. సినీ సెలబ్రిటీలు సైతం ఆనందం వ్యక్తం చేస్తున్నారు. చాలా బాగుంది అంటూ కామెంట్ చేస్తున్నారు. టాలీవుడ్ యాక్టర్స్ ఏ కాదు బాలీవుడ్ స్టార్ హీరోలు కూడా ఈ చిత్రం పై ట్వీట్ చేస్తూ తమ అభిప్రాయాన్ని వ్యక్తం చేస్తున్నారు.
Photo Credit :
Pinkvilla
Follow Us