జోరుగా స‌ర్కారువారి పాట (Sarkaruvari Paata) ప్ర‌మోష‌న్స్.. రంగంలోకి సూప‌ర్ స్టార్!

టాలీవుడ్ సూపర్ స్టార్ మహేష్ బాబు (Mahesh Babu), కీర్తి సురేష్ జంటగా డైరెక్టర్ పరుశురాం ద‌ర్శ‌క‌త్వంలో తెరకెక్కిన చిత్రం ‘సర్కారు వారి పాట’ (Sarkaruvari Paata). ఈ సినిమా మే 12న ప్రపంచ వ్యాప్తంగా రిలీజ్ కానుంది. ఇప్పటికే ఈ సినిమా నుంచి విడుద‌లైన‌ పాటలు, ట్రైలర్ రిలీజయ్యాయి.  కాగా ట్రైల‌ర్, పాట‌ల‌కు అభిమానులు, ప్రేక్షకుల నుంచి విశేషమైన స్పందన లభించింది. ఇక సినిమా రిలీజ్ డేట్ దగ్గర పడుతుండటంతో చిత్ర యూనిట్ ప్రమోషన్స్ భారీగా చేస్తున్నారు. తాజాగా సర్కారు వారి పాట సినిమా ప్రీ రిలీజ్ బిజినెస్ కూడా అయిపోయింది.

మహేష్ బాబు సరిలేరు నీకెవ్వ‌రు సినిమా తర్వాత వెండితెరకు చాలా ఎక్కువ గ్యాప్ ఇవ్వాల్సి వచ్చింది. దాదాపు రెండేళ్ల‌ అనంతరం సర్కారు వారి పాట తో మళ్లీ ప్రేక్షకుల ముందుకు వస్తున్నాడు. కాగా, ఈ సినిమాపై మొదటి నుంచి అంచనాలు బాగానే ఉన్నాయి. ఈ సినిమా తప్పకుండా బాక్సాఫీస్ వద్ద సరికొత్త రికార్డులు క్రియేట్ చేస్తుందని చిత్ర యూనిట్ సైతం ఎంతో నమ్మకంతో ఉన్నారు.

ఈ నేప‌థ్యంలోనే ఈ సినిమాకు సంబంధించిన ప్రమోషన్స్ (Promotions) కూడా ఇటీవల మొదలుపెట్టారు. ఈ క్ర‌మంలో ఇప్పటికే దర్శకుడు, హీరోయిన్ క‌లిసి ఇచ్చిన ఓ ప్రత్యేకమైన ఇంటర్వ్యూ వీడియో ప్రస్తుతం సోషల్ మీడియాలో హ‌ల్ చ‌ల్ చేస్తోంది. దీంతో ఈ మూవీ తప్పకుండా మహేష్ బాబు స్థాయిని పెంచే విధంగానే ఉంటుందని.. అన్ని వర్గాల ప్రేక్షకులను ఆకట్టుకునే విధంగా సినిమాను తెరకెక్కించామ‌ని దర్శకుడు వివరణ కూడా ఇచ్చాడు. అయితే ఈ సినిమాకు సంబంధించిన ప్రమోషన్ విషయంలో చిత్ర యూనిట్ సభ్యులు ఇటీవల ఒక అతిపెద్ద ప్లాన్ వేసినట్లుగా తెలుస్తోంది. ఇందులో భాగంగానే ఈ సినిమా ప్ర‌మోష‌న్స్ కోసం స్వ‌యంగా మ‌హేష్ బాబు రంగంలోకి దిగాడు.

ఇటీవ‌ల‌ మహేష్ బాబు (Mahesh Babu) తన ఫ్యామిలీతో ఎంజాయ్ చేసేందుకు విదేశాలకు వెళ్లిన విషయం తెలిసిందే. ఇటీవ‌లే ఆయ‌న‌ హాలిడే వెకేష‌న్ ముగించుకొని స్వదేశానికి వచ్చారు. ఆ వెంటనే ప్రత్యేకమైన ఇంటర్వ్యూల‌తో తనదైన శైలిలో ప్రమోషన్స్ మొదలు పెట్టారు. చిత్ర యూనిట్ సభ్యులందరితో చేయ‌బోయే ప్రత్యేకమైన ఇంటర్వ్యూలు స్పెషల్ ఎట్రాక్షన్ గా నిల‌వ‌నున్నట్లు సమాచారం. ఇక‌, హీరోయిన్ కీర్తి సురేష్ కూడా ప్రత్యేకంగా కొన్ని ఇంటర్వ్యూలు ఇవ్వడానికి సిద్ధమైంది. ఇవ‌న్నీ చూస్తుంటే ఈ సినిమాకు భారీ స్థాయిలో ఓపెనింగ్స్ వ‌చ్చే విధంగా ప్రమోషన్స్ నిర్వాహ‌కులు ప్లాన్ చేయ‌బోతున్నట్లు తెలుస్తోంది. మరి, ఈ సినిమా బాక్సాఫీస్ వద్ద ముందు ముందు ఎలాంటి రికార్డులను క్రియేట్ చేస్తుందో చూడాలి.