మాస్‌ మహారాజా రవితేజ (RaviTeja) రావణాసుర సినిమాతో మరోసారి బాక్స్ ఆఫీస్ దగ్గర సందడి చేయబోతున్నాడు. సుధీర్ వర్మ దర్శకత్వంలో రాబోతున్న ఈ సినిమా రవితేజ కెరీర్‌‌లో 70వ చిత్రం. అభిషేక్ అగర్వాల్ ఆర్ట్స్, రవితేజ ప్రొడక్షన్స్ ఈ సినిమాను నిర్మిస్తున్నారు. ఇప్పటికే రిలీజైన రావణాసుర ఫస్ట్‌ లుక్‌కు మంచి రెస్పాన్స్ వచ్చింది. ఇక ఇప్పుడు ఈ సినిమాకు సంబంధించిన మరో అప్‌డేట్‌ వచ్చింది. ఈ సినిమా ఆడియో రైట్స్ భారీ ధరకు అమ్ముడైనట్టు తెలుస్తోంది. రావణాసుర ఆడియో రైట్స్ను సరిగమప కంపెనీ దక్కించుకున్నట్టు తెలుస్తోంది.
రవితేజ మార్క్ యాక్షన్ థ్రిల్లర్‌‌గా తెరకెక్కనున్న ఈ సినిమాలో మేఘా ఆకాష్, అనూ ఇమ్మాన్యుయేల్‌, దక్షా నగార్కర్, పూజిత పొన్నాడ, ఫరియా అబ్దుల్లా హీరోయిన్లుగా చేస్తున్నారు. సినిమాలో మరో కీలకపాత్రలో సుశాంత్‌ నటిస్తున్నారు. రవితేజ లాయర్‌‌గా కనిపించనున్నారని తెలుస్తోంది. హర్షవర్దన్ రామేశ్వర్ – బీమ్స్‌ సంగీతాన్ని అందిస్తున్నారు. ప్రస్తుతం షూటింగ్‌ జరుగుతున్న ఈ సినిమా సెప్టెంబర్‌ 30న విడుదల కానుంది.
అయితే అంతకు ముందే శరత్‌ మండవ దర్శకత్వం వహిస్తున్న రామారావు ఆన్ డ్యూటీ సినిమా కూడా ప్రేక్షకుల ముందుకు రాబోతోంది. తెలుగులో ఠాగూర్, తమిళంలో అన్నియన్, హిందీలో రైడ్ లాంటి సినిమాల తరహాలోనే రామారావు ఆన్ డ్యూటీ సినిమా ఉండబోతున్నట్టు తెలుస్తోంది. రామారావు ఆన్ డ్యూటీ టైటిల్‌ వెరైటీగా ఉంది గనుక సినిమా కూడా అంతే వెరైటీగా ఉండే అవకాశముందని రవితేజ అభిమానులు అనుకుంటున్నారు.
స్వయంవరం, చిరునవ్వుతో, గోపి గోపికా గోదావరి లాంటి సూపర్ హిట్ చిత్రాలలో హీరోగా నటించి.. ఆ తర్వాత చాలా రోజులు గ్యాప్ తీసుకున్న నటుడు వేణు ఈ చిత్రంలో సీఐ పాత్రలో నటిస్తున్నారు. ఈ సినిమాకి ఈ పాత్ర చాలా కీలకమని చిత్ర యూనిట్‌ చెబుతోంది. ఇక, తమిళంలో విక్రమ్ వేదా లాంటి సూపర్ హిట్ సినిమాకి మ్యూజిక్ అందించి.. పలు అవార్డులు అందుకున్న శ్యామ్ సి.ఎస్ రామారావు ఆన్ డ్యూటీ సినిమాకి కూడా సంగీతాన్ని అందించనున్నారు. శ్యామ్ గతంలో మోసగాళ్లు, అర్జున్ సురవరం, నోటా, కణం లాంటి తెలుగు సినిమాలకు సంగీతం చేశారు.
Follow Us