'బ్ర‌హ్మాస్త్ర' (Brahmastra) ప్రీ రిలీజ్ ఈవెంట్ రద్దు.. ప్రెస్ మీట్ లో జూనియర్ ఎన్టీఆర్ (NTR) కీలక వ్యాఖ్యలు!

1 / 6

'బ్రహ్మాస్త్ర' ప్రెస్ మీట్ లో అక్కినేని నాగార్జున (Akkineni Nagarjuna at Brahmastra Press Meet)

పాన్ ఇండియా సినిమా 'బ్ర‌హ్మాస్త్ర' ప్రీ రిలీజ్ ఈవెంట్ (Brahmastra Pre Release Event) ర‌ద్దయిన సంగతి తెలిసిందే. సినిమా యూనిట్ ఈ ఈవెంట్ ను ఘనంగా ప్లాన్ చేసినా, అది కుదరకపోవడంతో ఒక ప్రెస్ మీట్ నిర్వహించింది. ఈ స‌మావేశానికి సినిమాకు సంబంధించిన న‌టీన‌టులు రణ్ బీర్ కపూర్, అలీయా భట్, నాగార్జున, మౌనీ రాయ్, ద‌ర్శ‌క, నిర్మాత‌ల‌తో పాటు హీరో ఎన్టీఆర్ (NTR) కూడా హాజ‌ర‌య్యారు. 'బ్ర‌హ్మాస్త్ర' ప్రీ రిలీజ్ వేడుక ర‌ద్దు చేసినందుకు ఎన్టీఆర్ అభిమానుల‌కు క్ష‌మాప‌ణ‌లు చెప్పారు.

Photo Credit : pinkvilla

2 / 6

'బ్రహ్మాస్త్ర' ప్రెస్ మీట్ లో రణ్ బీర్ కపూర్, అలియా భట్ (Ranbir Kapoor, Alia Bhatt Couple at Brahmastra Press Meet)

నిజానికి 'బ్ర‌హ్మాస్త్ర' ప్రీ రిలీజ్ వేడుక (Brahmastra Pre Release Event) సెప్టెంబ‌ర్ 2న హైద‌ర‌బాద్‌లో జ‌ర‌గాల్సి ఉంది. ఈ కార్య‌క్ర‌మానికి ముఖ్య అతిథిగా యంగ్ టైగ‌ర్ ఎన్టీఆర్ వ‌స్తార‌ని చిత్ర యూనిట్ ప్ర‌క‌టించింది. కానీ స‌డ‌న్‌గా 'బ్ర‌హ్మాస్త్ర' సినిమా ప్రీ రిలీజ్ ఈవెంట్‌ను ర‌ద్దు చేశారు. చిత్ర యూనిట్ మీడియా స‌మావేశం నిర్వ‌హించి.. ర‌ద్దుపై వివ‌ర‌ణ ఇచ్చింది.

Photo Credit : pinkvilla

3 / 6

'బ్రహ్మాస్త్ర' ప్రెస్ మీట్ లో మౌనీ రాయ్ (Actress Mouni Roy at Brahmastra Press Meet)

వినాయ‌క చ‌వితి ఉత్స‌వాల నేప‌థ్యంలో పోలీసులు 'బ్ర‌హ్మాస్త్ర' సినిమా ప్రీ రిలీజ్ వేడుక‌కు బందోబ‌స్తు ఏర్పాటు చేయ‌లేమ‌ని చెప్పార‌ని ఎన్టీఆర్ (Junior NTR) తెలిపారు. త‌న త‌ర‌ఫున అభిమానుల‌ను క్ష‌మాప‌ణ‌లు కోరారు. పోలీసులు ఎప్పుడూ ప్ర‌జ‌ల భ‌ద్ర‌త‌ను కోరుకుంటార‌న్నారు. మీడియా మిత్రుల‌కు కూడా క్ష‌మాప‌ణ‌లు తెలిపారు.

Photo Credit : pinkvilla

4 / 6

'బ్రహ్మాస్త్ర' ప్రెస్ మీట్ లో చిత్ర యూనిట్ (Movie Unit at Brahmastra Press Meet)

ఓ నటుడిగా అమితాబ్ బచ్చన్ (Amitabh Bachchan) ప్రభావం తనపై ఉంద‌ని హీరో ఎన్టీఆర్ (NTR) తెలిపారు. బిగ్ బికి తాను వీరాభిమాని అన్నారు. అమితాబ్ త‌రువాత అంత‌గా ఇష్ట‌ప‌డే హీరో ర‌ణ్‌బీర్ అన్నారు ఎన్టీఆర్. తెలుగు నటుడు హిందీ సినిమాలో నటించి డ‌బ్బింగ్ కూడా చెబితే ఎలా ఉంటుందో నాగార్జున (Nagarjuna) బాబాయ్ న‌టించిన ‘ఖుదాగవా’ చూసి తెలుసుకున్నానన్నారు. 'బ్ర‌హ్మాస్త్రం'లో న‌టించిన ప్ర‌తీ ఒక్క‌రికీ ఎన్టీఆర్ ఆల్ ది బెస్ట్ చెప్పారు.

Photo Credit : pinkvilla

5 / 6

'బ్రహ్మాస్త్ర' ప్రెస్ మీట్ లో జూనియర్ ఎన్టీఆర్ (Junior NTR at Brahmastra Press Meet)

'బ్ర‌హ్మాస్త్ర' (Brahmastra) సినిమాను ద‌ర్శ‌క ధీరుడు రాజ‌మౌళి (SS Rajamouli) తెలుగులో స‌మ‌ర్పిస్తున్నారు. ప్ర‌మోష‌న్ల వీరుడు జక్కన్న ఈ సినిమా ప్రీ రిలీజ్ ఈవెంట్‌ను అట్ట‌హాసంగా నిర్వ‌హించాల‌ని ప్లాన్ చేశారు. కానీ గ‌ణేష్ న‌వ‌రాత్రుల సంద‌ర్భంగా కుద‌ర‌లేదు. దీంతో మీడియా స‌మావేశం నిర్వ‌హించి క్ష‌మాప‌ణ‌లు కోరారు. పోలీసుల అనుమ‌తి ఉన్నా కూడా బందోబ‌స్తు క‌ష్ట‌మ‌వ‌డంతో ప్రీ రిలీజ్ వేడుక ర‌ద్దు చేసుకున్నామ‌న్నారు.

Photo Credit : pinkvilla