ఆంధ్రప్రదేశ్, తెలంగాణ రాష్ట్రాలలో ప్రముఖ తెలుగు ఎంటర్‌టైన్‌మెంట్ ఛానల్‌గా వెలుగొందుతున్న జీ తెలుగు ఎప్పటికప్పుడు సరికొత్త ప్రోగ్రామ్స్‌తో మన ముందుకు వస్తోంది. ఇటీవలి కాలంలో జీ తెలుగు ప్రీమియర్ లీగ్ పేరిట ఈ ఛానల్ ఓ క్రికెట్ ట్రోఫీని కూడా నిర్వహించడానికి సిద్ధమైంది.
ఈ లీగ్‌లో నాలుగు టీమ్స్ పాల్గొంటున్నాయి. ఫిక్షన్‌తో పాటు నాన్ ఫిక్షన్ షోస్‌లో నటిస్తున్న స్టార్స్ కూడా ఈ లీగ్‌లో ఒకరితో ఒకరు పోటీ పడనున్నారు. ఇదే క్రమంలో బాహా బాహీ పోరుకి సిద్ధమవుతున్నారు. దాదాపు 100 మంది పాపులర్ ఆర్టిస్టులను ఈ లీగ్ ద్వారా వీక్షించే సదవకాశం తెలుగు ప్రేక్షకులకు లభించనుంది.
15 మే, 2022 తేదిన మధ్యాహ్నం 1.30 గంటలకు ఈ లీగ్ ప్రారంభమవుతుందని ఛానల్ ఓ అధికారిక ప్రకటన ద్వారా తెలిపింది. సినీ నటుడు ప్రిన్స్ తన కొత్త సినిమా "పెళ్లికూతురు పార్టీ"ను ప్రమోట్ చేయడానికి ఈ లీగ్‌కు విచ్చేస్తున్నారు.
అలాగే ఓ స్పెషల్ పెర్ఫార్మెన్స్‌ను కూడా అందివ్వనున్నారు. అలాగే మిమిక్రీ కళాకారుడు శివారెడ్డి, యాంకర్ నేహ ఈ లీగ్‌కు కామెంటేటర్లుగా వ్యవహరించగా, కమెడియన్ రచ్చ రవి తనదైన శైలిలో అంపైరింగ్ చేయనున్నాడు.
లీగ్‌లో పాల్గొనే టీమ్స్ వివరాలు: శ్రీరామ్ (నాటు వారియర్స్), కల్కి రాజ్ (తగ్గేదెలే టైగర్స్), ఆకుల బాలాజీ (డార్లింగ్ డెవిల్స్), రాజీవ్ (స్టైలిష్ సింగమ్స్)
Follow Us