1 / 6
'సీతారామం' ట్రైలర్ లాంఛ్ ఈవెంట్ లో నటుడు సుమంత్ (Actor Sumanth ar Sitaramam Trailer Launch Event)
కోలీవుడ్ నటుడు దుల్కర్ సల్మాన్ హీరోగా, టాలీవుడ్ డైరెక్టర్ హను రాఘవపూడి దర్శకత్వంలో తెలుగు, తమిళ, మలయాళ భాషల్లో తెరకెక్కుతోన్న చిత్రం ‘సీతారామం’. ‘యుద్ధంతో రాసిన ప్రేమకథ’ అనేది ఉపశీర్షిక. ఈ చిత్రంలో దుల్కర్ (Dulquer Salman) సరసన మృణాల్ ఠాకూర్ (Mrunal Thakur) హీరోయిన్‌గా నటిస్తుండగా.. మరో ముఖ్యమైన పాత్రలో రష్మిక మందన్న నటించింది.
Photo Credit :
pinkvilla
2 / 6
'సీతారామం' ట్రైలర్ లాంఛ్ ఈవెంట్ లో హీరో దుల్కర్ సల్మాన్ (Hero Dulquer Salman at Sitaramam Trailer Launch Event)
ప్రఖ్యాత సినీ నిర్మాణ సంస్థ వైజయంతీ మూవీస్ సమర్పణలో స్వప్న సినిమా పతాకంపై స్టార్ ప్రొడ్యూసర్ అశ్వినీదత్ నిర్మాణంలో హను రాఘవపూడి (Hanu Raghavapudi) దర్శకత్వంలో ఈ సినిమా రూపొందింది. భారీ తారాగణం, అత్యున్నత సాంకేతిక విలువలతో ప్రముఖ నిర్మాత అశ్వినీదత్ ఈ సినిమాను ప్రతిష్టాత్మకంగా నిర్మించారు.
Photo Credit :
pinkvilla
3 / 6
'సీతారామం' ట్రైలర్ లాంఛ్ ఈవెంట్ లో హీరోయిన్ రష్మిక మందన్నా (Heroine Rashmika Mandanna at Sitaramam Trailer Launch Event)
ఇక, ‘సీతారామం’ సినిమా నుంచి ఇప్పటికే విడుదలైన వివిధ పాత్రల లుక్స్‌కు మంచి రెస్పాన్స్ వచ్చింది. తెలుగు, తమిళం, మలయాళం భాషల్లో ఏకకాలంలో రూపొందిన ఈ చిత్రం ఆగస్ట్ 5న ప్రేక్షకుల ముందుకు వస్తున్న నేపథ్యంలో తాజాగా ఈ సినిమా ట్రైలర్‌ను విడుదల చేశారు మేకర్స్. ట్రైలర్ లాంఛ్ (Sitaramam Traielr Launch Event) కార్యక్రమం చిత్రయూనిట్ సమక్షంలో ఘనంగా జరిగింది.
Photo Credit :
pinkvilla
4 / 6
'సీతారామం' ట్రైలర్ లాంఛ్ ఈవెంట్ లో హీరో సుమంత్, దుల్కర్ సల్మాన్ (Hero Sumanth, Dulquer Salman at Sitaramam Trailer Launch Event)
ఈ కార్యక్రమంలో హీరో దుల్కర్ సల్మాన్ (Dulquer Salman) మాట్లాడుతూ.. "అభిమానులందరూ రొమాంటిక్ హీరో, రొమాంటిక్ హీరో అని పిలుస్తుంటే.. విసుగొచ్చి ఇంక ప్రేమకథలు చేయకూడదని నిర్ణయించుకున్నా. అలాంటి సమయంలో హనుగారు ఈ కథతో వచ్చారు. అద్భుతమైన ప్రేమ కథ. చిరకాలం గుర్తిండి పోయే ఎపిక్ సినిమా. ఇలాంటి కథని ఎట్టిపరిస్థితిల్లో వదులుకోకూడదని నిర్ణయించుకున్నా. నా చివరి ప్రేమకథగా ‘సీతా రామం’ వంటి క్లాసిక్ ఎపిక్ లవ్ స్టొరీ చేయాలని ఫిక్సయ్యా" అని తెలిపారు.
Photo Credit :
pinkvilla
5 / 6
'సీతారామం' ట్రైలర్ లాంఛ్ ఈవెంట్ లో దుల్కర్ సల్మాన్, మృణాల్ ఠాకూర్, రష్మిక మందన్న (Dulquer Salman, Mrunal Thakur, Rashmika Mandanna)
ఇక, నిర్మాత అశ్వినీదత్ మాట్లాడుతూ.. ''సీతారామం' నా కెరీర్‌లో 60వ సినిమా. నా జీవితంలో ఎంతో మందితో సినిమాలు తీశా. ఎన్నో గొప్ప కథలతో సినిమాలను నిర్మించాను. కానీ నేను ఎప్పుడూ లవ్ స్టోరీలు తీయలేదు. మంచి లవ్ స్టోరి తీయడానికి సహకరించిన హను రాఘవపూడి, రష్మిక మందన్న (Rashmika Mandanna), మృణాల్ థాకూర్, దుల్కర్ సల్మాన్‌కు థ్యాంక్స్ చెప్పుకొంటున్నాను. నాకు ఎప్పుడూ మంచి లవ్ స్టోరీలు తీయలేదనే ఫీలింగ్ ఉండేది. బాలచందర్ తీసిన మరో చరిత్ర, మణిరత్నం తీసిన గీతాంజలి నాకు బాగా నచ్చిన లవ్ స్టోరీ మూవీస్' అని పేర్కొన్నారు.
Photo Credit :
pinkvilla
Follow Us