Actress Sreeleela: వైరల్ అవుతున్న 'పెళ్లి సందD' బ్యూటీ శ్రీలీల బర్త్ డే సెలబ్రేషన్స్ ఫోటోలు!

Actress Sreeleela: 'పెళ్లి సందD' చిత్రంతో తెలుగు తెరకు పరిచయమైన కన్నడ బ్యూటీ శ్రీలీల. ఈమె గురించి తెలియని తెలుగు ప్రేక్షకులు లేరు. ఇప్పటివరకు చేసింది ఒక్క సినిమానే అయినప్పటికీ ఈ బ్యూటీ మాత్రం స్టార్ హీరోయిన్ రేంజ్ కు ఎదిగిపోయిందనే చెప్పాలి. ఈమె అందం, అభినయం అన్నీ కూడా ప్రేక్షకులను మంత్రముగ్దులను చేస్తాయి. కాగా, శ్రీలీల దర్శకేంద్రుడు కె.రాఘవేంద్రరావు దర్శకత్వ పర్యవేక్షణలో గౌరీ రోణంకి దర్శకత్వంలో తెరకెక్కిన పెళ్లి సందD చిత్రం ద్వారా వెండి తెరమీద అడుగు పెట్టింది. 

ఈ సినిమాలో హీరో శ్రీకాంత్ తనయుడు రోషన్ హీరోగా (Hero Roshan) నటించాడు. కాగా, ఈ సినిమా గత ఏడాది ప్రేక్షకుల ముందుకు వచ్చి మంచి విజయం సాధించింది.ఈ సినిమా తర్వాత శ్రీలీల వరుస అవకాశాలు అందుకుంటూ టాలీవుడ్ లో దూసుకు పోతోంది. ఈ కుర్ర హీరోయిన్ ఆఫర్స్ వచ్చే కొద్దీ రేటు కూడా భారీగా పెంచుకుంటూ పోతోంది. 

ప్రస్తుతం అమ్మడు రవితేజ సరసన ధమాకా (Dhamaka Movie) లో నటిస్తోంది. ఇక ఇది కాకుండా బాలకృష్ణ- అనిల్ రావిపూడి కాంబోలో వస్తున్న చిత్రంలో బాలయ్య కూతురిగా ఎంపిక అయ్యింది. ఇక ప్రభాస్ సరసన నటించే అవకాశం కూడా అందుకున్నదని టాక్ వినిపిస్తోంది. ఒక్క సినిమాతో ఈ బ్యూటీ వరుసగా నాలుగు సినిమాలను అందుకుంది. ఇక తాజాగా మరో బంపర్ ఆఫర్ పట్టేసింది ఈ బ్యూటీ.. జాతిరత్నాలు చిత్రంతో స్టార్ హీరోగా మారిపోయిన నవీన్ పోలిశెట్టి హీరోగా నటిస్తున్న చిత్రం 'అనగనగా ఒక రాజు' కళ్యాణ్ శంకర్ దర్శకత్వం వహిస్తున్న ఈ చిత్రాన్ని ఫార్చ్యూన్ ఫోర్ సినిమాస్ సహ నిర్మాతగా వ్యవహరిస్తుంది. ఇక ఈ సినిమాలో నవీన్ సరసన శ్రీలీల నటిస్తోంది.

ఇక, మాస్ మహారాజా రవితేజ (Hero Raviteja), త్రినాథరావు నక్కిన ఔట్ అండ్ అవుట్ యాక్షన్ ఎంటర్‌టైనర్ “ధమాకా” చిత్రాన్ని ప్రముఖ నిర్మాత టిజి విశ్వ ప్రసాద్ భారీ స్థాయిలో నిర్మిస్తున్నారు. పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్ బ్యానర్లపై తెరకెక్కుతున్న ఈ చిత్రానికి వివేక్ కూచిభొట్ల సహ నిర్మాతగా వ్యవహరిస్తున్నారు. ఇటీవల ఈ అమ్మడి బర్త్ డే సందర్భంగా మేకర్స్ ఆమెను చిత్రంలోకి అధికారికంగా ఆహ్వానించారు.