మిల్కీ బ్యూటీ (Tamannah Bhatia) త‌మ‌న్నా భాటియా.. ఫొటోలు వైర‌ల్!

టాలీవుడ్ టాప్ హీరోయిన్స్ లిస్ట్ లో మిల్కీ బ్యూటీ తమన్నా భాటియా (Tamannah Bhatia) పేరు త‌ప్ప‌క ఉంటుంది. ముంబయిలో జన్మించిన ఈ అందాల భామ.. చిన్నప్పటి నుంచీ సినిమా హీరోయిన్ కావాలని బలంగా కోరుకుందట. అందుకు ఆమె తల్లిదండ్రులు కూడా అడ్డు చెప్పకపోవడంతో ఈ బ్యూటీ 13 ఏళ్లకే సినీ గడప తొక్కింది. తొలుత‌ ఈమె 2005లో వచ్చిన 'చాంద్ సా రోషన్ చెహ్రా' అనే బాలీవుడ్ (Bollywood) చిత్రంతో సినీ రంగ ప్రవేశం చేసింది. ఆ సినిమా త‌మ‌న్నాకు పెద్దగా గుర్తింపు తెచ్చిపెట్టలేకపోయింది. దీంతే అదే ఏడాది మంచు మ‌నోజ్ తో 'శ్రీ' అనే చిత్రం ద్వారా తమన్నా టాలీవుడ్ లోకి ఎంట్రీ ఇచ్చింది.

ఇక‌, తర్వాత ఇక్కడ వరుస అవకాశాలు తలుపు తట్టడంతో.. ఈ బ్యూటీ వెనక్కి తిరిగి చూసుకోలేదు. నటనకు ప్రాధాన్యత ఉన్న పాత్రలతో పాటు గ్లామర్ రోల్స్ ను సైతం పోషించి అనతి కాలంలోనే టాలీవుడ్ తో పాటు కోలీవుడ్ లోనూ స్టార్ హోదాను దక్కించుకుంది. అప్ప‌ట్లో అగ్ర హీరోలతోనే కాకుండా మీడియం రేంజ్ హీరోల సరసనా ఆడిపాడిన తమన్నా.. తన ఇన్నేళ్ల కెరీర్ లో ఓ ఆశను మాత్రం నెరవేర్చుకోలేకపోయింది. అదేంటంటే.. నటిగా దశాబ్దపు మైలురాయిని  అధిగమించిన తమన్నా తన మాతృభాషైన హిందీలోనూ కథానాయికగా మంచి క్రేజ్ సంపాదించుకోవాలని ఆరాటపడింది. అక్కడ వరుస చిత్రాల్లో నటించి తన సత్తా చాటాలనుకుంది. కానీ ఆమె ఆశ ఇంతవరకూ నెరవేర లేదు. అడపాదడపా బాలీవుడ్ చిత్రాల్లో నటిస్తున్నప్పటికీ.. తమన్నాకు నిరాశే ఎదురవుతోంది. అయినప్పటికీ బాలీవుడ్ పై తమన్నా మోజు తగ్గడం లేదు. ఈ నేపథ్యంలో ఆమె మరో ప్రయోగానికి సిద్ధమైంది.

ప్రస్తుతం తమన్నా (Tamannah Bhatia) బాలీవుడ్ లో ఓ లేడీ ఓరియెంటెడ్ మూవీ చేస్తోంది. అదే 'బబ్లీ బౌన్సర్'. 'చాందినీ బార్' 'హీరోయిన్స, 'ఫ్యాషన్' లాంటి అవార్డ్ విన్నింగ్ సినిమాలు తీసిన ప్రముఖ దర్శకుడు మధుర్ భండార్కర్ ఈ చిత్రాన్ని రూపొందిస్తున్నారు. తొలి మహిళా బౌన్సర్ జీవిత కథ ఆధారంగా రూపొందుతున్న ఈ చిత్రాన్ని ఫాక్స్ స్టార్ స్టూడియోస్ వారు నిర్మిస్తున్నారు. ఇందులో తమన్నా లేడీ బౌన్సర్ పాత్రలో అలరించబోతోంది. కొద్ది నెలల క్రితమే సెట్స్ మీదకు వెళ్లిన ఈ చిత్రం.. తాజాగా చిత్రీకరణను పూర్తి చేసుకుంది. 

ఈ విషయాన్ని మేకర్స్ అధికారికంగా పేర్కొన్నారు. ఇక త్వరలోనే ఈ సినిమా హిందీతో పాటు తెలుగు తమిళ భాషల్లో విడుదల కానుంది. ఇక‌, ప్రస్తుతం ఈ సుందరి F3 ప్రమోషన్స్ లో ఫుల్ బిజీగా ఉంది. టాలీవుడ్ సక్సెస్ ఫుల్ డైరెక్టర్ అనిల్ రావిపూడి దర్శకత్వంలో తెరకెక్కిన ఈ చిత్రంలో విక్టరీ వెంకటేశ్ కు జోడీగా నటించింది. వరుణ్ తేజ్, మెహ్రీన్ పిర్జాదా కౌరా, సునీల్, సోనాల్ చౌహాన్ లూ ఈ సినిమాలో నటించారు. ఎఫ్ 2కు సీక్వెల్ గా వస్తున్న ఈ మూవీలో వినోదం రెట్టింపు స్థాయిలో ఉంటుందని డైరెక్టర్ అనిల్ రావిపూడి హామీ ఇచ్చేస్తున్నారు. ఈ నెల 27న సినిమా విడుదల కానున్న నేపథ్యంలో అప్పుడే ప్రమోషన్స్ స్టార్ట్ చేశారు.