Nithya Menen: హీరోయిన్ గా, జ‌డ్జిగా స‌త్తా చాటుతున్న టాలీవుడ్ బ్యూటీ నిత్యా మేనన్ !

టాలెంటెడ్ హీరోయిన్‌గా మంచి క్రేజ్ తెచ్చుకున్న యంగ్ బ్యూటీ నిత్యా మేనన్ (Nithya Menen).  'అలా మొదలైంది' సినిమాతో తెలుగు చిత్ర పరిశ్రమలోకి అడుగు పెట్టిన నిత్యా మేనన్ , మొద‌టినుంచీ చాలా సెటిల్డ్‌గా సినిమాలు చేస్తూ వస్తోంది. ఆమె సింగర్‌గా కూడా కొన్ని సినిమాల్లో త‌న‌ సత్తా చాటడం విశేషం. అలాగే స్క్రిప్ట్ రైటింగ్ మీద కూడా ఈ బ్యూటీకి మంచి అవగాహన ఉంది.

నిత్యా మేనన్ తాను ఎంచుకొనే కథల విషయంలోనూ చాలా పక్కాగా ఉంటుంది. అవకాశాలు వాటంత‌ట‌వే వస్తున్నాయి కదా అని.. ఏ సినిమాలు పడితే ఆ సినిమాలను ఆమె ఒప్పుకోవడం లేదు. కెరీర్ ప్రారంభం నుంచీ నిత్యా (Nithya Menen) ఇదే ఫాలో అవుతూ వ‌స్తోంది.  అందుకే ఆమె ఇండస్ట్రీకి వ‌చ్చి ఇన్నేళ్ళు అవుతున్నా కూడా, చాలా తక్కువ సినిమాలే చేసింది.  

నిత్యా మేనన్ (Nithya Menen) కమర్షియల్ సినిమాలతో పాటు లేడీ ఓరియెంటెడ్ సినిమాలు.. అలాగే ప్రయోగాత్మకమైన సినిమాలను చేసేందుకు కూడా ఎప్పుడూ రెడీగా ఉంటుంది. 'అలా మొదలైంది' తర్వాత ఇష్క్, ఒక్కడినే, గుండెజారి గల్లంతైందే, సన్నాఫ్ సత్యమూర్తి, రుద్రమదేవి, ఒక్క అమ్మాయి తప్ప, జనతా గ్యారేజ్, అ, గీత గోవిందం, ఎన్.టి.ఆర్ కథానాయకుడు లాంటి సినిమాలలో.. అద్భుతమైన పాత్రలు పోషించి క్రేజీ హీరోయిన్‌గా మారింది. తెలుగులో నిత్యా మేనన్ ఏ పాత్ర చేసినా, దానికి పూర్తి స్థాయిలో న్యాయం చేస్తుందనేది పలువురు సినీ ప్రముఖుల అభిప్రాయం.

ఇక‌, నిత్యా మేనన్ (Nithya Menen) తెలుగులో మాత్రమే కాకుండా మలయాళం, తమిళం, కన్నడ, హిందీ భాషలలో కూడా అద్భుతమైన పాత్రలు చేస్తోంది. బాలీవుడ్‌లోనూ 'మిషన్ మంగళ్' అనే సినిమాతో అడుగుపెట్టిన నిత్యా మేనన్ , ఆ తర్వాత స్టార్ హీరో అభిషేక్ బచ్చన్ నటించిన వెబ్ సిరీస్‌లో నటించి ఆకట్టుకుంది. అయితే ఇందులో ఆమె పోషించిన పాత్ర వల్ల నెటిజన్స్ ఆమెపై కొన్ని వివాదాస్పదమైన కామెంట్స్ చేశారు. ఆ వెబ్ సిరీస్‌లో మాత్రం కథ డిమాండ్ చేయడం వల్లే, లెస్బియన్‌గా నటించి షాకిచ్చింది. అదే సిరీస్‌లో ఈ బ్యూటీ మరో నటికి లిప్ లాక్ ఇచ్చి హాట్ టాపిక్‌గా మారింది. ఇక‌, ఇటీవ‌లే ప‌వ‌ర్ స్టార్ ప‌వ‌న్ క‌ల్యాణ్ స‌ర‌స‌న భీమ్లా నాయ‌క్‌ సినిమాలో నిత్యా మేనన్ న‌టించింది.